Home »

Hlauh loh hlauhawm (DDT)

10 July, 2010 11 comments

DDT (Dichloro Diphenyl Trichloro Ethane) a ni a, taksa a thawh dan hi chi hrang hrang a ni a, kan sawi seng lo a ni, amah DDT hrim hrim hi engah pawh awm se, amah hrim hrim hi a ral thei lo ang tluk in a chhe thei lova. Tuifinriata rei tawk tak thla hnih chuang an chiah pawh in a dang lam chuang lo. Chuvangin sap ram leh khawvel hmun tam zawkah chuan an siam tawhlohna a rei tawh a. Engmah hian an tawk ngamlo a ni ber, i in velah rul leh pangngang, fanghmir a lo kal thin a nih chuan in kual chhuak in DDT phul la, an reh hmiah mai ang.

Thlai ei tur chi-ah phei chuan pek reng loh tur a ni, a bula phul phei chu reilote-ah a rah leh ahnahah a kal nghal vek a, thlai dam chhung kha chu a awm ta reng mai a ni. Hetiang ei mai chi - maian, Bean, Tomato etc.-a an chin (tuh) laia an telh ngat phei chuan han chhum la Bean rah pawh nise DDT rim a nam pha hial a ni. 1964 khan kan Bean lei pawh DDT chhum ang chiah a ni.

Tuna Thosi kah nana kan hman pawh hi ei leh in awmna lai leh thlai vel kan kah tir ngailo. Banga DDT an kah kha ro leh vat mahse a chak ngaiin a chak reng a ni. DDT hman tam lutuk vang leh a ruka thlaia lo phulte an awm reng avang hian a ni mahna pumpui Cancer-te kan ngah em emna chhan pawh. Kum 1964 khan Mauchar-ah DDT-in sangha an vua a, a phur khat lawihin mi pali in an hawn a, a hringa ei tam ber kha kum hnih lek chhungin Pumpui Cancer in a thi a, a repro a ei pathumte chu kum li kum nga hnuah Pumpui Cancer vekin an thi a ni.

Chuvangin DDT hi a khawih pawh khawih suh, i ei palh ang e. Thil pawi tak chu veng thenkhat YMA Thuthlengah (DDT a hlauhawm lo) tih inziak ka hmu fova, huan siam ho rilru a la kawi anga thlaiah an lo phul ang tih a hlauhawm a ni. Thosi tam vangin kan la hmanglo thei silova, a pawiin a thlakna awm silo hi a buaithlak lai ber chu a ni.
- Dr Thangchungnunga, MS (Ortho)

11 comments »

  • Zkima said:  

    DDT thatna leh tangkainate tam tak a awm laiin mihringte tana a hlauhawm bawk si zia he thuziak atang hian ka hre chiang ta. Kan ram angah chuan hman ala ngaih tlat si avang hian kan fimkhur hle chu a ngai dawn a nih hi le. Bazar a thlai hnah kan lei pawhin, a hnah tha leh dawng tha pui pui thlang tawh lovin a fere deuh deuh thlang tawh mai ila a tha ang. A hnah dawng tha deuh deuh chu rannung pawhin an ei chhe ngam lo tihna ah ka ngai deuh mai.

  • Michael Fanai said:  

    Chutiang ngaihdan lo deuh chu pu ta la i fing sawt ang :)

  • Zkima said:  

    Ka at em vanga ti ka nilo tih i lo hre ve mai mai dawn nia, Maikal :)

  • Unknown said:  

    DDT zawng a tangkaina hi a vang tawhin hman fo chi anilo. Choak tui pawh a kawr a chang theilo a, hmun tamtak ah an rem tawh hi...Mihring chu sawi ngailo mai se.

  • Bja Hauhnar said:  

    He thil hi ka veina a rei tawh a sin....Admin hian kan veng lam CCB-ah lo chhuah ve duh ta i la a phal a ngem le....te ka tia.!!!!

  • Zkima said:  

    Phal loh tur a awm hlei nem, dil rawh, kei chuan ka phal e.

  • A_es said:  

    @ chhangte_II. I sawi khi ka lo ngaihtuah ngai lem loh tak ani, thil ni thei fu chu anih khi. Choak hi kan naupan lai ngaihtuah cuan tunah chuan tlem tawh tak ani ni.
    @ Bj. A ziaktu pon a phal ka ring ve top, la chhawng rawh, a ziaktu rilru tak poh aniang. Mi dangin trangkaia an hman zel turin ani aziah thin ni.
    @ Zkima. U Bja i duat roh, ron leng taima tak anih hi...

  • Zkima said:  

    A_es, naupan laia hmu thin ang ziazanga, choak hi mizoramah a tam lo hrim hrim a, khaw luma awm thin an nia, phai lamah chuan an la tam khawp asin. Mizoram hi nuam an ti ve vak lo, a vawh deuh vang te pawh a ni mahna. Bja duat takin englai pawhin kan welcome reng a che.

  • A_es said:  

    Hahahaaaaaaa...ka va nui nasa tak!! Hemi ka ziah lai khian ka hmanhmoh boka ka rilruah parva hlir a awm....

  • Zkima said:  

    DDT (Deh pawh Dek Tawh suh)

  • A_es said:  

    Pu Bj-a chuan a kopi ta m aw??

  • Leave your response!

    Han sawi ve teh le.