Mihring Rilru

Mihring te hi kan lo pianchhuah hian nihna nghet tak kan nei sa a. Chu chu chapona leh duhamna leh mahni chauh inhmangaihna. Hei hi naute-ah pawh alo lang vat thin. An kal thei tan a, intithei takin an kal a, thil han pe ila laklet an phal tawh bawk lo a, hetiang hian kan rilru hi a in duang sa a. Kan lo thanglian zel a, thil chiang chho em em mai chu thlalak (album) han en la, i tel lohna chu i en rei vak peih lovang. T.V-ah pawh mahni lanna kan en chak ber a. Kan rilru hi a hmasial sa hrim hrim niin a lang.

Chuvangin he rilru chhe lailet der, Kristaa awm bawk silo hi engtin nge kan tih dik ang? Sakhuana lam atangin ngaiah kan nei tawh a, khawlai velah zir tur awm bawk silo. Hei hian tun lai kan khawvel nunzia chu a rawn pho lang ta a. Ramdangah nise indo leh in rikrap-na lo chu hriat tur a awm meuh lo.
Kan ram zim te, ar hmaitiat lekah pawh ruang chhar, kum tling lo pawngsual, thah, rukruk te a tam em em a. Heng hi a bul ber chu kan rilru kalphung hi a dik tawh lo lutuk a ni ber mai! Mahni tawkah kan chapo em em theuh a. Zu rui thu reng pawh han chhuih la, “Nanga chhuih tur ka ni lo, tunge i nih bik,” an la ti chhar chhar tho mai a ni. Mahni infak leh intihlanmawi a, a chhe lai zep tlat a, intihlar tum kan ni. Kum a lo tam deuh
tawh vanga Kohhran upa a thlan inbeisei tlat te kan lo ni leh a. Heng hian a entir ber chu “Lemchang kan ni,” tih hi a ni. K.S. leh Drugs ngawl vei te hian an nihna an hre chiang a, an nih ang hian an nung a, lem an chang ve lo.
Hengho hian an thiltih hi an duh ber pawh a ni reng lo, talchhuah an duh ve em em a, mahse, mipui zawk hian kan kawh rawn a, kan ten a, an bula awm kan duh lo a ni. Hei vang hian an mahni pawh an inthiarfihlim reng a ni. Hmangaihtu an mamawh a, an hmu zo silo, a tawpah chuan overdose-a thih emaw an hmabak chu a ni mai! Anni ang ho hmangaih a, khawngaih a, tuamhlawm tur niawm tak - Rescue Home tam zawk lah hi sumdawnna in a ni ber a, an dam phah lo. Thinlung taka hmangaihtu an mamawh a ni.