Samuela kan chan ta
05 February, 2011
1 comments
Samuel Ramthianghlima (Kum 4) hi Pu Jimmy Lalramthanga leh Pi Vanrimawii te fa pali (4) zinga naupang ber niin 19th May 2007 khan alo piang a.
Amah hi naupang pian tha tak niin, a unaute pawhin an chhawnchhaih ber leh a nu leh pate pawh tihlim thei tu ber a ni. A unaute leh nu leh pa, chhungkhat laina te lawm pawh a hlawh thin hle. Vanduaithlak takin 4th Sept 2009 khan an tukverh atangin a tla palh hlauh mai a, hemi tum hian Aizawl Civil Hospital ICU ah dahluh nghal a ni a, a thi mai dawn emaw an tih laiin, thla khat leh a chanve lai a awm hnu ah vanneihthlak takin a
lo tha chhuak leh a. Amaherawhchu, a insawh nat deuh em avangin kal te pawh a harsat phah hle a ni.
Dam taka hun a hman chhoh mek laiin 31st Jan 2011 khan a khuh khek khek renga, ngaihthat lohna pawh an nei hran lova. A tuk thawhlehni hian a pum a nat thu a sawi a, a nuin nachhawkna a pe a, a reh ve leh mai a, engmah insawiselna pawh a nei zui chuang lo. Hemi tuk 2nd Feb. 2011 (Nilaini) chhunah hian a hmai leh a mit bawr vel chu a rawn vung chhuak tih hmuh a ni a, a nu leh pa ngaih a that loh deuh avangin hemi tlai hian Doctor entir a ni a, Pneumonia a ni tih hmuh a ni. Admit mai turin an lo rawn nghal a, khum an chan loh avangin varandah thutthlengah mut lailawk tir a ni a, hetah hian a buai tak deuh avangin Oxygen pek nghal a ni. Zual lam a pan tak zel avangin hemi zan dar 8:30 khan a chawl ta a ni.
Amah hi naupang pian tha tak niin, a unaute pawhin an chhawnchhaih ber leh a nu leh pate pawh tihlim thei tu ber a ni. A unaute leh nu leh pa, chhungkhat laina te lawm pawh a hlawh thin hle. Vanduaithlak takin 4th Sept 2009 khan an tukverh atangin a tla palh hlauh mai a, hemi tum hian Aizawl Civil Hospital ICU ah dahluh nghal a ni a, a thi mai dawn emaw an tih laiin, thla khat leh a chanve lai a awm hnu ah vanneihthlak takin a
lo tha chhuak leh a. Amaherawhchu, a insawh nat deuh em avangin kal te pawh a harsat phah hle a ni.
Dam taka hun a hman chhoh mek laiin 31st Jan 2011 khan a khuh khek khek renga, ngaihthat lohna pawh an nei hran lova. A tuk thawhlehni hian a pum a nat thu a sawi a, a nuin nachhawkna a pe a, a reh ve leh mai a, engmah insawiselna pawh a nei zui chuang lo. Hemi tuk 2nd Feb. 2011 (Nilaini) chhunah hian a hmai leh a mit bawr vel chu a rawn vung chhuak tih hmuh a ni a, a nu leh pa ngaih a that loh deuh avangin hemi tlai hian Doctor entir a ni a, Pneumonia a ni tih hmuh a ni. Admit mai turin an lo rawn nghal a, khum an chan loh avangin varandah thutthlengah mut lailawk tir a ni a, hetah hian a buai tak deuh avangin Oxygen pek nghal a ni. Zual lam a pan tak zel avangin hemi zan dar 8:30 khan a chawl ta a ni.
A chanchin heta tarlan hi, a nu leh pa ka kawm atanga ka dawn ka ziah a nia. Heta tang hian a khawngaihthlak zia leh a lainatawm zia ka hria a, ka khawngaih hle, ka tawrhpui takzet. A damchhung hun a hman dante ka ngaihtuah a, hetiang reng renga naupang te hun a hmang hi ka lainat a ni. Lusun chhungte a nu leh pa, a unau te Pathianin thlamuanin awmpui zel rawh se.