Iron tlachham

Mizote hi kan changkang ve viau tawh na a, hriselna lamah hi chuan kan la hniam deuh niin a lang. Kohhran Upa leh Zirtirtu, a sehhlum zo chauh emaw tih mai tura ha leh ka sen hiam huam kan la ngah mai, sim ve hret hret a hun ta.

Iron hi taksa hian a mamawh em em a, a tawk a hmuh loh chuan taksain a tuar a, an dang bei a, thaw te a hah hma a, an chaklo thin. A lanna awlsam ber chu, ke leh kut tin hi a sei ve hman lova, a ram em em a, a bung emaw a tliak zel a, anih loh leh a inrin ruak a, a nasa phei chu tin (Nails) hi a khuar duk thei thin. (Tin pangngai chu a pum deuh a nih hi).

Hetianga i awm anih chuan Iron i tlachham tihna a ni a, Iron tlakchham nachhan chu tam tak a awm thei ang. Tin, i tin a that loh viau khan a chhan dang pawh a awm ve thei tho tih hriat tur. Mahse a tam ber hi chu kan kuhva ei nasa lutuk hi a ni ber mai. Kan kuhva ei a chinai leh kan pum a Acid a han in chawhpawlh hian
kan Iron hip ve tur kha thir chhia tuiekah a siam ta thin a ni. Chutih laiin taksa-in a hip thei ta lo bawk a, zawi zawiin Iron tlachhamin kan lo awm ta thin a ni. Vanduai vanga piantirh ata Iron hip ve theilo pawh an awm ve zauh zauh bawk thin. Tin, kuhvarah leh a hnahah hian damdawi ang chi thisen dawt tidanglam thei a awm a, i ei hnem viau ni chuan i lu a na deuh anga, mitmen te a fiahlo thei thin. He damdawi chi tel vang hi a ni a, kuhva kan ruih pawha thlan a tlak vak nachhan hi.

Kuhva ei tam lutuk hian kan chaw tha ei tam tak a tichhia a, pumpui na a siam thei a, ril a ti chaklo thei thin. A ei nasa phei chu an ek pawh a sen vek thei a ni. Thluak hi a fing em mai a, thil thalo pawh hi tidanglam emaw, hlauhawm lova siam dan a zawng ve nghal zel tih hriat tur. Kuhva kan ei hian kan thial reng a, ka a thil a luh tawh chuan thluakin pumpui hnenah thil lo tlathla tur a awm tih a hrilh a, lo thetsawm turin Acid (Hcl) insiam tam turin a hrilh a, engmah a lut thla ta si lova, pumpuiah Acid a awm belh teuh ringawt a, chu chuan Ulcer (Pumpui pilh/pan) a siam leh a, pum nuamlo irh thur tihte kan lo neih phah ta thin a ni. Kuhva kher lo pawh thil thial hrim hrim hian pumpuia Acid a insiam belh vak zel tih hriat a tha. Chuvangin lem tur awmlo, thil thial neuh neuh ang hi a tha lemlo tih i hre thei tawh ang.

Chu mai a ni lova, kan mit (Bile) thlengin thil lo tla tur lo digest turin a letin an lo insiam a. Engmah a awm leh tak si lohah chuan pumpui lamah te a luang let a, irh kha te kan neih phah thin. Kuhva ei hian kan ha a (Enamel) a chang lai ber a var hi a ei chhe thei a, ha invuah a ti nghetlo thei bawk. Nikhata Rs. 30/40 man ei thin i nih chuan i zing thawhah i ha a nghing vek mai ang. Vai ho ei ang hian nikhatah vawi 2/1 te hi ei theih tum ve a tha ta hle. Israel ho phei chu Pathian be tura an kal dawn chuan an inbual fai a, an nupuite pawh an mutpui lova, -kuhva ei chu sawi loh chaw pawh an nghei zawk thin. Chu chu kan Pathian hmaa kan inlan dan tur ni awm tak reng a ni.