Thau Lutuk

Tunlai chu naupang te te thau deuh deuh hmuh tur an tam ta hle mai a. Thau lutuk hi vanduai thil avanga harmone (kan taksa control-tu) chikhat tam vang pawh in a awm thei a. Mahse a tam zawk 90% hi chu kan ei leh in ti nasa lutuk hi a ni ber in a lang a.
Tun hma, Mizorama thil tui leh tha a tam hma kha chuan thau em em an awm ngai lova. Tunah chuan mi nazawng pawh kan Overweight (Thau lutuk) ta deuh vek mai a. Hei hi a chhan ni bera lang chu, thil thar a lo tam a, ei tur tha leh thlumte a lo tam ta a. Exercise lakna tur awm bawk silo hi kan buaina ber niin a lang. Pumpui hi savun ip, kan thil ei lo dawh khawmtu a ni ve mai a. Naupan lai atanga ei tam, puar taka ei teuh i ching a nih chuan savun ip nana na chu a puar lian ve zel, tunhmaa naupang savaveh leh ram hnuaia kalna ang kha a awm ta si lova, I pumpui tihrawl pawh kha a fit bik loa, chuvang chuan a ip lian na na na chu puar tur chuan thun hnem a ngai a. Hei hi kan thau zualna pakhat chu a ni a. Vawi khat thau tawh chuan tih reh leh mai mai theih a ni tawh lo.

Chuvangin kan chaw ei dan hi fimkhur deuh ila, puar khat hi a awm ve hi, heath hian ei tawp thei ila, ril a tam hun dawn a, chu pawh chu chhunah tlem ei leh mai tur a ni a, ni khatah vawi li pawh ei la, I ei tlem chuan a
ip kha a sawng teve zel a, zawi zawiin I puar khawp chu tam vak lo I ei thei mai ang.

Mahse thil awlai a ni lo a, tum ve fe a ngai a ni tih hriat a tha. Thau lutuk hian thil a tipawi thui thei hle a, January thla pawh khan naupang kum 12 mi chu a thauin a hnawhhlum tawp mai a ni. Thau hian kan thisen dawtte a tite/chep a, lung te pawh a hnawh tawt thei a, stroke-te a awm duh bik a. Taksaa peng pawimawh thin - kal, lung, chuap mit te thau in a hnawh nasat lutuk chuan an thawh tur ang an thawk thei lo a, taksa a lo hrisel lo a. Zunthlum, BP sangte alo siam chhuak mai thin. Nula ho in ‘in diet’ an lo ti hi chaw ei lohah an tlak a, hei hi adik lo a, chak viau chunga engkim tlemtea ei dan zir zawk tur a ni. Anih loh chuan taksa mamawh vitamin chi hrang hrang kha an ei loh phah a, an that loh phah zawk thin a ni.

Mihring hi kan thau a chhah em em a, cher ve deuh anga lang pawh hi kan han zai hi chuan thau inches 1 emaw a chanve tal chu kan nei vek tlangpui thin.

Chuvangin, ei turin nung lo la, nung turin ei zawk ang che. Kan Bible-ah pawh ei puar lutuk chu a sawisel ve tho kha.