Pu Thansiama kan chan ta

Pu Lalthansiama hi Pu Lalkunga (L) leh Chalthangi (L) te fa 6 zinga 3-na niin December 29, 1930 khan Civil Hospital Aizawl-ah a lo piang a, 1958 khan Pi Zakungi (L) nen inneiin fa mipa 2 leh hmeichhia 4 an nei.
A tlangval tirhin sipai (Assam Regiment) ah kum 6 lai a tang a, chumi hnuah Dulte ah inbengbelin he ta a awm chhung hian VCP ah rambuai vang lai tak khan a tang a, sipai bang anih avangin vai tawng te a lo thiam ve a, Dulte khua hian an chhawr tangkai em em thin a ni. Tin, ramvachal tak, sa kap thei tak a ni a, ram lama chet tlat hi a nuam tih ber thin a ni. Sa engemawzat a kah bakah thil mak tak chu Silai vawikhat chiah hmet puakin Sanghal 3 a kap thlu thei a ni.
Kum 1968 khan Aizawl-ah lo chhukthlain tuna an chenna apa pek in leh lo Zion Street ah hian an cheng zui
ta a ni.
Kum 2007 chho atang khan insawiselna neuh neuh a nei tan a, 2008 February thla khan a inentir a, hrawk Cancer a ni tih hmuhchhuah a ni a, Guwahati lam panpui nghalin Radiation leh Chemo hmangin an lo enkawl nghal a, a hnuah pawh regular takin a zu in check-up thin. A tha chho viau a an hriat laiin kum 2010 tir lamah khan a thin leh pumpui lamah a lo tai darh tawh tih hmuh a ni leh a, hemi hnu hi chuan phai lam pan tawh lovin Aizawl lamah enkawl zui a ni a, zawi zawin a hniam chho hret hret a, May 25, 2011 (Nilaini) zing dar 7:30 khan Lalpa hnenah a chawl ta a ni.