Rilru paukhauh a pawimawh
03 June, 2011
1 comments
Mihring reng reng hi kan rilru azirin kan awmdan pawh hi a ni. Rilru paukhauh tak nih hi a ngai a, huaisen kan tihte pawh hi an rilru a huai a ni mai a, taksa tet leh len lam pawh a ni lo. Rilru nghet chet chawt i neih loh chuan engpawh ti dawn la engmah hlawhtlin tak tak theih a ni lo. Kan thil tih reng reng hi 50% a then phawk chuan a thatna leh that lohna hi a intiat deuh rial zel. Entirnan, Sex Education-te hi naupangah leh nula tlangvalah a tha zawnga hman dan tur leh a nih dan tur sawifiah chiam ila, rai theih hun leh rai theih loh hunte hre bel han sela, an hmansual duh chuan nasa taka hmansual theih a ni ve leh a. Drugs-te pawh sawi fiah tak tak tur chuan a ruih dante sawi tel a ngai a, zu te pawh, tam tak rilru-a awm ngailo kha tih chhin chakna kan tuh ve leh thin a ni. Pathian thu pawh, a hmangaihna leh mi a ngaihdam theih zia ringawt sawi a theih loh a, a fa ni tawhte chunga a thikthu chhiat zia leh mi hrem hmang a ni tih sawi ve zel a ngai ang hian, chempui pawh lo vah nan chuan a hriam thei ang ber kan duh laiin mihring sah nan chuan a duhawm lo ber a ni ve thung.Heng te te avang hian Pathianin chhia leh tha hriatna a pe che a, i ngaihtuah vang vang a tha, midang tan
pawha hnawk lo, a hnu zel pawha tha tur ni-a i hriat chuan a tha tlangpuiin, kan ram dan leh Pathian duh dan pawhin a la mil deuh zel ang. Chuvangin rilru sawizawi, ngaihtuah tam te, tih tawh tih zawh peih leh loh te hi mi tlinglo an ni a, engah mah hmantlak tak takin an chhuak ngai lo. Mi tam tak Cancer i vei an tih pawh, rilru paukhauh taka ‘Cancer vangin ka thi dawn lo’ ti tak tak thei ho chu an dam reiin Cancer pawhin a khawih buai har bik thin. A then te phei chu a reh ta emaw tih hial tur an awm nual mai. A chhan chu Cancer kha i ngaihnep luih tlat chuan thluak pawhin a ngainep lui ve a, a thanna tur kha block a lo siam ve a, Cancer kha tihbo dan a lo zawng char char a ni tih hria ila. Lehlamah, mi Cancer a a inrin tlat chuan thluak pawhin Cancer theihna lai tur a zawnpui ngar ngar a, an cancer nge nge thin.
Rilru paukhauh a pawimawhzia chu, Rulngan-in min chuk tum khan a nain ka thidang tep a, ka thidang a nih chuan ka thi hlen dawn tih ka hria a, ka inthing harh leh hram a ni. Darkar khat chuang hnu-a ka la thih loh takah chuan dam chhuah leh hram kha ka rilruin a tum ber a ni. Mahse, Sairanga ka luak chiah khan ka taksa chhungah a lut ta tih ka hria a, kha ka dam tumna kha paihin, Inah tal thi ila tih rilru ka put chiah atang khan engmah ka hre ta lo a ni.
Chuvangin mi hlawhtling, mi dik, huai leh tha, fel nih i duh chuan, rilrua a dik leh dik loh ngaihtuah vang vang a, i diklo a nih pawhin diklo nih ngam la. A dik anih chuan thih thleng pawha tang ngam tura rilru i pek thiam a ngai ta a ni. I rilru sukthlek chu i nitin nun danah a lang zel tho ang.
pawha hnawk lo, a hnu zel pawha tha tur ni-a i hriat chuan a tha tlangpuiin, kan ram dan leh Pathian duh dan pawhin a la mil deuh zel ang. Chuvangin rilru sawizawi, ngaihtuah tam te, tih tawh tih zawh peih leh loh te hi mi tlinglo an ni a, engah mah hmantlak tak takin an chhuak ngai lo. Mi tam tak Cancer i vei an tih pawh, rilru paukhauh taka ‘Cancer vangin ka thi dawn lo’ ti tak tak thei ho chu an dam reiin Cancer pawhin a khawih buai har bik thin. A then te phei chu a reh ta emaw tih hial tur an awm nual mai. A chhan chu Cancer kha i ngaihnep luih tlat chuan thluak pawhin a ngainep lui ve a, a thanna tur kha block a lo siam ve a, Cancer kha tihbo dan a lo zawng char char a ni tih hria ila. Lehlamah, mi Cancer a a inrin tlat chuan thluak pawhin Cancer theihna lai tur a zawnpui ngar ngar a, an cancer nge nge thin.
Rilru paukhauh a pawimawhzia chu, Rulngan-in min chuk tum khan a nain ka thidang tep a, ka thidang a nih chuan ka thi hlen dawn tih ka hria a, ka inthing harh leh hram a ni. Darkar khat chuang hnu-a ka la thih loh takah chuan dam chhuah leh hram kha ka rilruin a tum ber a ni. Mahse, Sairanga ka luak chiah khan ka taksa chhungah a lut ta tih ka hria a, kha ka dam tumna kha paihin, Inah tal thi ila tih rilru ka put chiah atang khan engmah ka hre ta lo a ni.
Chuvangin mi hlawhtling, mi dik, huai leh tha, fel nih i duh chuan, rilrua a dik leh dik loh ngaihtuah vang vang a, i diklo a nih pawhin diklo nih ngam la. A dik anih chuan thih thleng pawha tang ngam tura rilru i pek thiam a ngai ta a ni. I rilru sukthlek chu i nitin nun danah a lang zel tho ang.
- Dr Thangchungnunga, MS (Ortho)
Avan tha tak em, ka duh aiin a tawp hma.
Rilru huaisenna leh Chapona kawng in anlohna leh in ang taka a lanna lai... rawn ziak leh se ka va ti ve... :)