Pi Dovi kan chan ta

Dolianpuii (K 68) hi Pu Rualkhuma (L) leh Pi Tlanliani (L) te fa pariat (8) zinga pathumna (3) niin, kum 1942, July 15-ah Civil Hospital (Dawrpui) vengah a lo pianga, kum 1970 khan Liannghinglova (Tawi-a) nen innneihin, Kulikawnah an awm a, kum 8 zet an inneih hnuin, pa fawh nei lovin an inthen a. Hemi hnu hian pasal nei leh lovin a awm ta a ni. A nu leh pa pawhin an boral san hnuin, a laizawn Pi R. Liankimi te nufa nen in hrang changin, Babutlang Zarkawt-ah an khawsa a. Amah hi MHIP-ah te atuiin, a thihni thlengin committee member a ni. Fiamthu duhmi tak a nih avangin hetiang lamah hian an hmang tangkai ve hle thin a, fa nei lo a nih avang nge, a unau fate hi a duatin a ngai hle thinin, an ni pawhin an ngaina in an ui hle a ni.
Kum tir (2011) atang khan a pum lam a sawisel deuh thin a, pum lam damdawite a ei thin. February thla
atang khan a mit (Bile) leh a vun te a lo eng ta a, doctor hnenah a in entir a, a mit hruiah bawk awm in, hei hian a mitliam a siam a ni. Chuvangin, a mit dawt hi khawlhmanga ti zauin, a mitliam hi a dam a, hemi hnuah chemotherapy lak nise tiin, doctor-te rawn angin Kolkota-a AMRI Hospital-ah February 13, 2011-ah an lut a, a mit dawt hlawhtling taka tih zawh niin, February 23, 2011-ah an lo hawng leh anni. Hemi atang hian a tha chho viau va, a dam fel tep tawh a kan hriat laiin May 14, 2011-ah a khua a sikin a mit leh vunte a lo eng tan leh a, doctor rawn leh niin, drip chi hnih (2) leh eitur damdawi-te a chawh ang a enkawl a ni ta a ni. Mahse, a cancer-hi a lo na em in, a chau tulh tulh a, thil a ei thei lo telh telh nen khum chunga enkawl a lo ngai ta hial a ni. A ei thei tur ang angte pek hram hram zel a ni a. a thih dawn darkar thlengin thil a la ei tawk tawkna chungin, a taksa nunna hian February 27, 2011 chawhnu dar 2:00 khan a lo ralsan ta a ni.