Home »

Pu Lalrinmawia kan chan ta

28 January, 2012 0 comments

Pu Lalrinmawia (1967 - 2011) hi Pu Chalthuama leh Pi. Lalthannguri te fapa upa ber a ni a. January ni 21, 1967-ah alo piang a. Unau hmeichhe pakhat leh mipa pathum a nei.
Kum 1985-ah Lalliansangi d/o Lalthanpuia nen in neiin fapa pahnih leh panu pakhat an nei. Pu Lalrinmawia hi February 16, 1994 khan Health Department Driver-ah a lut a. A hna hi a tuiin nuam a ti em em a, a hna kal hlan te hi a nghak hlel em em thin a ni.
Kum 2009 khan tuna a natna Cancer hi hmuhchhuah a ni a. Chemo pawh vawi tamtak khai a ni a, amah pawhin dam lam panin a in hria a. Zemabawka Cancer inhem turte pawh ama motor khalh lai (Deptt. Motor) ngeiin a hruai thin nghe nghe. A cancer natna hi theihtawpin amahin dolet a tum ve thin avangin he cancer natna hian a ti buai lo hle a ni.
A nat chhung hian Damdawi inah vawithum vel lai dahluh a ni a. Amaherawhchu, khumbet a mut a nei ngai
lo tluk a ni.
November ni 1, 2011-ah a hnungzang na a rawn chhuak a, hemi ni atang hian that lam a pan thei meuh lova, a khat tawkin a na a rawn chhuah leh thin avangin Doctor-te an rawn a, checkup pawh chi hrang hrang a la nual a. December 24, 2011 khan a natna a zual tak em avangin zan lamah Grace Nursing Home, Zarkawt-ah admit a ni a, that lam pan thei ta lovin a boral zui ta a ni.
Pu Lalrinmawia hi, pa fiamthu duh tak leh thian ngaina em em mai a ni a. Thenrual kawm thiam tak a nih avangin a thawhpuite leh a thiante paw'n an ngaina hle. Amah hi mi khawngaih thei tak a ni nghe nghe.

0 comments »

Leave your response!

Han sawi ve teh le.