Home »

Pu Dawiduma kan chan ta

20 June, 2012 5 comments


Pu Dawiduma (1937 - 2012) hi Chalrang khuah Pu Nunkhuaia leh Pi Vanhnuaiveli-te fa upa ber atan kum 1937-ah a lo piang a. Khaw khawm avangin hmun hrang hrangah awm kualin ei leh bar an hmuh theihna hmun nia an hriatah an pem kual an pem kual a. Kum 1993-ah Aizawl, Electric Vengah lo lutin, kum 1996 khan an chenna Dawrpui-ah hian an inbeng bel ta a ni.Pu Dawiduma hian pianpui (nau) pathum a nei a,
A nupui Pi Lalbanglovi, Kelkang, Buang khawchhuak nen hian Ni 12.2.1962-ah inneiin Pathian malsawmna fanauah an dawng nasain fa 12 lai an nei a ni. Pu Dawiduma hi mi taima tak leh eng mah thawh hreh nei lo a ni a, a hmaa tih tur awm tawh reng reng chu hreh nei miah loa thawk tawp mai a ni. Upa Pawl ah pawh a theih ang tawkin a inhmang ve thin a, Upa Pawl dawr pawh a tih theih tawkin a inhmang ve thin a, Upa tawka ngaiin a theih ang tawkin a enkawl ve thin a, Chanchin bu “MUP Tlangau” pawh a sem ve ngar ngar a ni. A dam a nih phawt chuan inkhawm hi thulh a duh ngai lo a, Sunday Sikul kai kim lawmman pawh vawi eng emaw zat a dawng tawh a ni. Khawhar In kal
hi a taimain Veng chhung chhiat tawkah hian kal lohna a nei meuh lo. Hetia Veng tana a inhman viau chung hian a fate hi a enkawl fel viau mai bawk a ni.
A hun hnunung : Hun eng emaw chen atang khan Thawhah-in a tihbuai chhoh tak avangin a chakna a lo tlahniam tial tial a. Heti ang a nih avang hian kumin February thla khan Durtlang Damdawi In-a ah dah luh a ni a; thla khat zet a awm hnuin that lam a pan tak tak thei lo a. Dam tha thei meuh loa Damdawi In-a awm reng ai chuan mahni In-a fate bula thlamuang taka a hun tawp hman a thlan zawk avangin ama In-ah ngei tukin dar 2:30 khan a fate chu he lei-a chengho tawh lo turin a fak thin a Lalpa hnenah a kalsan ta a ni.

5 comments »

  • Leave your response!

    Han sawi ve teh le.