Home »

Pu K.Zothantluanga kan chan ta

02 March, 2011 0 comments

Pu K.Zothantluanga hi ni 10 February, 1966 khan Aizawl Civil Hospital-ah Pu K. Hmingthanga leh Pi Lalchhanhimi(L) fa 6 zinga a 3-na ni turin alo piang a, Unau mipa 4 leh Hmeichhia 2 a ni. January ni 29, 1991-ah P.C. Lalengmawii d/o Maj P.C. Thansanga Dawrpui nen innei-in Fapa 1 leh fanu 1 an nei.
Pu K.Zothantluanga hi mi thil phal, thiante tana inpe zo em em mai a ni a, a thenrual te tan chuan ui nei reng reng lova insengso thin a ni. Hetiang mi a nih avang hian thenrual tha a ngah em em a. Chhungkua huikhawmtu ber leh mite dinhmun hrethiam tak a ni. Chanhai zawk te dinhmun hrethiam-a tanpui thin mi a ni. A unau te pawh hian an ngaina hle a, khawtlang ah pawh a theih ang tawka in hmang thin a ni.
Pu K. Zothantluanga hi a naupan lai atanga Kohhran bel tlat mi a ni a, Biak inah leh khawlai rawngbawlna ah Recitation te a sawi thin a, a lo tlangval chhoh hnu ah pawh zaia rawngbawlna te a nei thin a. Amah hi
Music lama tawn hriat ngah tak anih avangin kum 1978-a Bazar Corps Junior Band din anih pawhin phur takin a tel a, ni 4.9.1981-a Mizoram puma Staff Notation hmanga Band Commission-hmasa ber Bazar Corps-ah pawh a tel a. Tunah hian Bazar Corps Band-ah Acting Band Sergeant ni lai mek a ni a, Bazar Corps Band hun rei tak chhung thuanawp tawh 1993 a din that leh a nih pawhin a dintu te zingah a tel a ni.
Amah hi Pathian rawngbawlna ngai pawimawh mi a ni a, Atta Lane (tuna Upper Bazar) Zu leh Hmeichhiat Mipatna lama hmun tawp tak thenfai na ah pawh theihtawp a chhuah a. Tin, hmun hran hran ah Camping leh Crusade te neiin Speaker ah te pawh a lo tang tawh thin a. Amaherawhchu, Pathian thu a thahnem a ngaih em em rual hian chaklohna neive thin anih avangin han tluk that that chang pawh a nei ve thin. Mahse, Pathian khawngaihna avangin chhanchhuahin a awm leh thin a ni.
Kum 1999 atang khan Aizawl District Congress Committee-ah nihna pawimawh tak tak a lo chelh tawh thin a, General Secretary te pawh lo ni tawh in, runah hian ADCC-ah Executive Member a ni mek.
Hun rei tak atang khan pum lamah in sawiselna a nei a, December,2009 khan Kolkata-ah in check-up in a kal a. Vawi engemaw zat Care Hospital-ah pawh enkawl a lo ni tawh a. Ni 20.2.2011 atang khan zung tha thei lovin a thaw te a hah a, mahse, ni 21 zing ah erawh in sawiselna em em nei lovin a naute in ah te pawh a leng lut leh thei mai a. Chutianga that loh na a neih lem loh avangin a nupui pawhin Office lamah a kalsan a. Hetia ngaihtha taka an kalsan chu Feb 22, 2011 (Tawhtanni) chhun dar 1:45 khan Heart Attack avangin Chatuan Ram min pansan ta a ni.

0 comments »

Leave your response!

Han sawi ve teh le.