Home »

Scooty leh Nau pai

02 March, 2011 3 comments

Tunah chuan kan changkang a, kan over lo chauh chu a ni ta. A tha lam hriselna leh ruih theih thilah pawh kan ziaawm chho zel a. Kan changkannain a ken tel tha lo erawh a awm ve thin. Chung zinga mi chu Scooty (Two Wheeler) hmeichhia/Nu in an khalh ve ta hi. Kan tih tawh chu ti vak zel hnam kan nih avangin hei pawh hi kan ti lutuk ang tih a hlauhawm hle.
Nau pai tir, a bikin thi neih huna nei ta lo, rai dawn nia inhria leh nau pai thla hnih chhung hi, thla thum ti law law teh ang. Lirthei leh khawla chuan hi a haw em em a, chhulah hian naute kha thisen leh tisa nem lutuk hlawm khawma awm a ni a. A nghet em em chungin rawn awm thar a nih avangin a nghet nep tih chu hriat sa a ni. Ke-a kal leh hna thawh vak vak chu a pawi lem lo. Mahse, hetia nau insiam tirin a huat ber chu, khawl motor emaw Scooty a ni emaw, a nghawr der der hi a haw em em a. Bur mawngah thil ban lutuk lo bel la, a letlinga kengin thing khur char char la, reilo teah a tla mai ang. Hetiang tho hi naute
insiam tir awm dan chu a ni a, chhul kawrawng a letlinga awm chhungah a bet ve tawk tawk a ni.
Lirthei a chuan hrim hrim pawh kawng chhia chu a haw tho a, mahse a huat ber chu khawl nghawr der der kha a ni. Hei vang hi a ni mahna, tunlai innei thar nau chhiat an tam riauna pawh hi kan Motor leh Scooty chuang tam lutuk vang hi a nih hmel a ni. Ke-a kal leh tlan te hi chu Pathian min siam dan anih avangin kan haw lova, tih tur a ni zawk.
Nau pai tirh thla thum chhung hi chu fimkhur em em tur, a bikin lirtheia chuan leh damdawi ei hi. I ei leh in ang ang kha naute-in a ei ve zel tih hriat tur. Zu i in a nih chuan i nau pai pawh kha i pum chhungah a lo rui ve chhar chhar dawn tihna anih chu. Thil ho te angin lang mahse a pawi thui thei a ni tih hria ang u. Motor Jam a ding reng a, a khawl nunga chuan reng te hi a hlauhawm hlei hlei. Mahse a tir thla 2 hi a pawimawh ber a, thla 3-ah chuan naute alo insiam fel tawh a, a mah pawh a inham tang ve thei tawh a, chhiat a har deuh. Ke a kal, Pathianin kan nih dan tur anga a duan sa hi hman tam a tha a, a him ber bawk. Pathian siam dan kan kal pelh apiangin kan buai thin.
- Dr Thangchungnunga, MS (Ortho)

3 comments »

  • Zkima said:  

    Naupai tir hian nau an pai tih (thenkhatin) an inhrelo fo thin a, hei hi fimkhur angai khawp mai. Keini pawh kan fa hmasa ber tur kha kan lo hriatloh vangin Motor kan chuang nasa si a, kan chhiat phah a, tunah chuan kan fimkhur tawh khawp mai. Engemaw danglamna kan nei anih chuan Doctor pan vat hi a him ber mai.

  • Albert Fanai said:  

    Hriatna zau belh leh ta. Ka like awn awn e. :)

  • Leave your response!

    Han sawi ve teh le.