Pi Lalnguri kan chan ta
17 July, 2011
0
comments
Pi Lalnguri Sailo (Kum 84) Dawrpui West (Pu RS Thanga building) chu July ni 17, 2011 chhun dar 12 khan Cancer avangin a boral a, July ni 18 Thawhtanni chhun dar 12-ah Dawrpui Thlanmualah vui a ni,A chanchin : Pi Lalnguri Sailo hi a pa chu Pu Lalkhuma Sailo (L) a ni a, a nu chu Pi Thangseii (L) a ni. Kum 1927-ah Khawhai ah a piang a. Khawhai atangin Hriphaw-ah an chhuk thla a, a pa hian Bunghmun-ah Lal na a chan tak avangin Bunghmun lamah an phei a, hetah hian inbengbelin an awm ta a ni. Rengdil Lal fapa Khawtinchawma (Taia) nen an innei a, Rengdil-ah a awm a. Amah hian pianpui unau paruk neiin fa paruk
(6) mipa panga leh hmeichhia pakhat a nei a. Kum 1974-ah Chawnpui, Aizawlah an lo chhova, Chawnpui veng atangin tuna an chenna Dawrpui West-ah hian insawn lehin a fate pahnih pawh helai hmunah hian a lo sun tawh a, eizawnna avangin a faten hmun hran/khaw hran -ah an awm san rih a ni.
Amaha a awmlai hian a natna hian lo tlak buakin, a nuamsam vak lo tih hriat anih veleh Ni 24 June, 2011 khan Cilvil Hospital Aizawl-ah dah a ni a, hemi hnu Ni 27 June, 2011 khan Vaivenga Hospital (Care) -ah dahluh leh a ni. Doctor-ten uluk taka an en hnu-ah Chuap Cancer ani tih hmuhchhuah a ni a, amah alo upat deuh tawh avangin Cancer enkawlna pawh hman ngam a ni ta lova, Oxygen-te pein theihtawp chhuaha enkawl a ni a, ziaawm lam pan lutuk lovin a chau hret hret zela, Ni 17 July, 2011 chhun dar 12:00 khan chatuan ram min pansan ta a ni.
0 comments »
Leave your response!
Han sawi ve teh le.