Tui hawk

Tunlai chu ruah a sur duh bawk a, tuihawk a awm deuh reng a, ka kal zau viau lo na a, Dawrpui-ah pawh naupang tuihawk dai a kal lui tlat, tuihawk dai chak ka hmu nitin mai a. Hei hi a tha lo em em a, tunhma kan naupan lai chuan tuihawk kan khuap a, kan cheng thin a. Khang avang kha ani khat ang chu rulhut kan pai nasat em em thin kha. Rulhut-ah hian Hook Warm bik hi ei leh in lam nilo in, ke zungtang kar no laiah hian an lut a, thisenah an kal a, rilah bu an khuar ta thin a ni. Thisen an hip nasa a, a vei an awm chuan an dang lap thin.

Tunah chuan khawpui deuhah chuan pheikhawk bun lo a ram kan awm ta lova, ek in kan nei vek bawk a, hei hian he hook worm (rulhut) hi chu a tirem thawkhat in a lang. Mahse, kan khawtlang hrim hrim nun hi ala
changkang tawk lova; Ruah sur a ek in lo sah mai pawlte kan la awm fo mai a. Hei hi chu kan sim ve a hun ta in ka hria.
Hemi rual hian sawi lan leh thin ka duh chu mahni in zawna tuihawk luan kawr a awm chuan mahni zawn theuh kha tuihawk luan tam laiin lo hawlh fai ila, tha pawh ngai lovin a fai duak duak mai ang. Awlsam te in veng pum a tih fai mai theih a ni. Hei hi chu i tum hram hram ang u, thil harsa a ni silo. A tawpah kawrpuiah a lut fai vek mai dawn a ni. Kan hriat nawn leh fo tur chu, natna hrik hi khaw chhungah a tam ber a, khua a pui a, in a tam leh natna hrik pawh a tam ve zel a. Pem leh pan nei chunga tuihawk khawih te hi hlauhawm tak a ni. Sakawrekhrik, ruahsur loh laia vaivut leh boruaka leng mai mai te kha an luang tel ta vek mai a. Dawrpui phei chu thil chhe chitin reng tawih thei lo atanga tawih thei, sa nawi te thlengin kan ngah em em a, hei vang hian fimkhur hle a tha. Tin, kan pangpar leh hnim, thlai khawi te tihfai leh sawngbawl hunlai a ni a, hemi hun tak hi natna hrik pawh inthlahpunna hun remchangah an lo hmang ve a, a hma aiin a let eng emaw zatin an tam tih hriat tur. Chuvangin, kut silfai that leh kutkawr bunte hi chin uar deuh deuh tur a ni. Hetiang intihpalh avanga Tetanus vei nuai 10 zinga pakhat pawh an awm chuan hriselnaah kan la sang lo a ni emaw tih tur kan la nei a ni tih hriat tur.
Kan vanneih lehna chu, natna hrik Titanus mai nilo, a sang tel eg. Zenghri te vaivut leh khawlaia awm reng tur kha tuihawkin a len bo vek a, kan leh thianghlim leh duak zawk a ni. Phai ramah chuan, a tling reng a, a ro leh a, natna hrik kha an bo mai mai thei lo.
A tawp berah chuan tun ang hunlai phei hi chuan engpawh khawih la a zawh veleh KUT SIL fai nghal zel ang che. Habit-a i neih chuan, natna tam tak i vei loh phah thei tih hre reng bawk ang che.