Hlawhfa rawiha thlanlaih tawh tur
02 August, 2011
6
comments
Dawrpui Branch YMA Executive Committee in a lo rel tawh angin, kan vengchhung mithi an awm changa thlanlaih dan chungchanga Vantlang inkhawm chu July ni 28, 2011 (Ningani) zan dar 7:30 khan kan Local Council-te hriatpuinain Vantlang inkhawm neih a ni.
Vantlang inkhawma kan thupuiber ‘Thlanlaih dan’ chungchanga Committee-in chhawpchhuah tura a lo rel tawh -
- Tuna kan thlanlaih kalpui mek ang hian kalpui zel nise;
- Mi an boral veleh thlanlai tawh lovin hnatlanga thlanlaih lawk tawh nise, a chhinna tha tak siam nise;
- Hlawhfa rawiha thlanlaih tawh nise;
tih point hrang hrangte sawi hawng tura ruat Pu Lalhmingliana, Branch YMA Senior Adviser in kan khawltlang
dinhmun leh kan thlanlaih mek dinhmunte fiah fai takin min hrilh a. Kan vengchhunga thlanlaih leh thil danga mipuite ngaihdan (questionnaire) tum hnih ngawt kan lak tawh thute, kan vengchhunga chhungkaw awmzat a chhuta thlanlai kan tlem tak ziate, uluk taka hemi chungchanga lokal khawmte ngaihtuahna seng tura a duh thute thiam takin a sawi a.
dinhmun leh kan thlanlaih mek dinhmunte fiah fai takin min hrilh a. Kan vengchhunga thlanlaih leh thil danga mipuite ngaihdan (questionnaire) tum hnih ngawt kan lak tawh thute, kan vengchhunga chhungkaw awmzat a chhuta thlanlai kan tlem tak ziate, uluk taka hemi chungchanga lokal khawmte ngaihtuahna seng tura a duh thute thiam takin a sawi a.
Mipui lam atanga ngaihdan sawina hun Chairman-in a hawn hnuin, mi thahnemngai leh khawtlang thatna duhtu tam takte ngaihdan sawi ngaihthlak a ni a. Sawitu tam berin an sawi point No. 3-na – 'Hlawhfa rawiha thlanlaih tawh nise', tih chu kan thutlukna a lo ni ta a. Hemi kalpui a nih dan tur chu Branch YMA Executive Committee in ngun zawk leh felfai zawka a relfel tura dah a ni ta a. Executive Committee-in a rel hmaa kan vengah chhiat tawk an awm anih chuan kan tih dan pangngai angin thlanlaih tho tur a ni ang.
khai aa!! :D
Mahse,a tul tawh a ni ange..Khawtlang hruaitu te'n a thaber tur a an rel a nih chuan tui vaklo chung pohin support zel chi a ni ang.
A mak a na.
a hun tawh a niange! Kan society in mitthi kan buaipui dan luih2 pawh hi kan kalsal tep.
A âwm ka ti viau. Amaherawhchu, mitthi an awm apianga lungngai lova lawm leh mitthi awm leh vat vat se lo ti rilru reng an awm thei tur hi..!!
A tha ka ti. Hna avang tawh a, mi thenkhat tan hna remchang siamna ani mai. Peih loh vanga lai ngailo nilo hman loh vanga lai theilo kan tam tawh bawk si. Hei hi thil tha takah ka ngai.
Kan changkang ve zel e. Tin Mizo kan nihna a bo ka hre lo. Hman lote in demna a bo mai dawn niin ka hre zawk.
A tulnain anawr thlu ta che u a ni ber. Tlangval tlawmngai tak tak tan chuan, mitthi awm an puanin rilruah erawh thlanlaih alang lurh tho hrih hmel. Inphum hrim hrim pawh hi ala harsa tulh tulh dawn anih hmel.