Irh Fiak (hi-Cough)

Irh fiak hi thil ninawm mitin deuh thawin kan neih a ni a. A tam ber chu a reh leh mai a, mahse reh leh mai lo ni hnih ni thum lai irhfiak te an awm thin a.
Irhfiak awmna chhan chu, kan pumpui hi thluak atanga control vek a ni a, kan thu niloin ama Brain Computer-in a set fel sa a ni a. Kan luak pawh in kan uak vak vak a, kan luak a. A then an inkawm luak a. Hetiang tho hian irhfiak hi luak silo a, luak tum thlulh leh thut (sudden oesopageal spasm) a ni a. A awm tirtu chu engpawh lo nise, luak tur a luak hman lo in a tawp leh vat a, kawlphe ang lek a rei lo pumpui leh a chawdawt rawn in sang ping thut a ni ber a, a rei loh em avangin luak chhuak a lang hman lova, a tawp leh mai vang a ni. A leh lamah irhfiak hi a tuartu tan chuan thil hrehawm leh ninawm deuh mai a ni a, tih reh vat chu a ngai thin.
Aizawla kam hmuh tam ber, irhfiak reh theilo ho hi chu Zu in nasa te an ni tlangpui a, Zu hian thluak
Computer a tihbuai vang a ni ber a. Zu in ngai lo pawh irhfiak reh thei mai lo an awm ve zauh zauh bawk a ni.
Damdawi Inah an hruai a, luak damdawi te, pumpui damdawi te an lo pe/chiu a. Rei lo teah an irhfiak leh mai tho a, ni khat te an ral phei chuan an hah ve em em a, engmah pawh a thawh theih loh a ni ber.
Hetianga kan damdawi in a tih reh theih chuan loh ho hi chu-Mizo damdawi ei in a reh mai a, a tha em em a ni. Chu chu SUNHLU hi a ni a, a phak apiang a tha deng sawm la a tui emaw, amah pawh ei la a tha a. A tha ber chu Sunhlu kung ami, a kawr thel thla la, dengsawm la, her sawm la, tui i pawlh ang a, no chanve vel tak deuh ngek ngawk han in tir la, a reh hmak mai ang. A rah hi chu a kawr ai chuan a thawk nep hle a ni. Tin, khawchhak sunhlu hi a tha teh vak lo a, i hmuh loh erawh chuan, a kawr thel thla la, siam la a tha ve tho. Chuvangin huan in bula neih ve hlek hi chuan Sunhlu hi a tiak duh em em a, neih hram i tum ang chu. A rah lah damdawi tha, vitamin C tamna ber zing ami a ni bawk si a, Lo ngaihtuah ve teh.