Chanchintha Dak Bawm alo haw
02 September, 2010
17
comments
Kum 1946 kuma YLA (tuna YMA nita) ten bul an tan leh a khaipa Pu Robuanga (RIP)-in a theihna zawng zawng hmanga alo buaipui Chanchin Tha Dak Bawm tam tak zinga pakhat chu Aug 31, 2010 (Thawhlehni) zan khan urhsun taka Dawrpui Biak In-ah lakluh a ni.
He Chanchin Tha Dak bawm hi Pathian thuhriltu Pi Mawitei, Zohmun, Burma chuan a chanchin chhuiin Pu J. Vanlalhriata, Zemabawk North ten an kawl tih a hriatin Pathian hriattirna atanga a bul tanna khawi emaw berah dah turin a ti a. Tichuan, Dawrpui Kohhran-a dah tur hian hma lak a ni a; Engkim tluang taka kalpui niin Ramthar Ni Kohhran ten an hman zan takah Biak In, Maicham bulah urhsun taka dah a ni ta a ni.
He bawm hi Pu J. Vanlalhruaiate chhung hian Sept 18, 1993 atang khan an kawl a, mi tam takin a bawm khawiha an tawngtai hian taksa damna mai bakah thlarau damna an lo chang tawh a ni.
Chanchin Tha Dak Bawm hian nasa takin Zoram Kohhran leh a mimir alo khawih nasa hle tawh a, khatih hunlaia YLA (Young Lushai Association) ten Bible leh Hla Bu chi hrang hrang khawnkhawmin Chanchin Tha la hreve lo Tialral amite tan an thawn a, khaw hrang hrang a paltlang a, khawtin in an zawn a, an inhlan chhawng zel a, zai leh lamin, Thlarau Thianghlim pawlna nasa tak nen Bible leh Hla bute hi Tialral an thawn lut a ni. A zawn vawi khatnaah hian Bawm 18 a tling a, a thawh hnihnaah phei chuan Bawm 300 a tling hial a ni. He Chanchin Tha Dak Bawm hian mi tam tak Nun a khawih danglam a, sual sim a Piangthar an tam a, damna chang phei chu an tam em em a ni. Dawrpui leh Mission Veng Biak In hi a hlan inkhawm hmanna a ni ber. Chungvangte chuan khatih hun laia Biak in - a taka la ding ngei Dawrpui Biak Ina Bawm dik tak la awm chhun a lut leh hi a inhmeh em em a ni.
CHANCHIN THA DAK HNUHMA
1. DAM PUI :
(i) Nula Lalnghaki, kawng na. Kar khat lo mu tawh leh a u Chawnghluta, zeng, ni li lo mu tawh, khuangleng khua te chu an inah bawm an zawn lut a, an tawngtai a, an dam.
(ii) Daia, panganghling vei, zan li lai lo tlaivar pawh chuan a dampui nghal.
(iii) Bukchhuaka, Neihdawn khua-a ke zungpui leh zungchal inkarah a chek a, zan lo a tlaivar tawh a, a dam.
2. NGAIHDAN CHI HRANG HRANG :
(i) Rev. Saiaithanga chuan Asembly lain Pastor thu a chah a, ‘Pastor te u, puithuna atthlakah in lut palh ange, fimkhur rawh u,’ a ti. A kawta bawm an zawn lain, ‘Fimkhur rawh u, fimkhur rawh u’ a ti lawm lawm an ti.
(ii) Upa Chalthianga, Bungtlang, Champhai leh Ngurzachhina, Khawrihnim lal chuan lung an phun.
(iii) Rev. Liandova (L) Sumsuih-a Evan Teacher a nih lain Bawm an zawn a, a ngainep hle mai a, naupang zawn tham lek a ti mai a, Bawm a lo thleng chu a tap nasa hle an ti. ‘Ka tap ta a, tah hla chham tur a vang nasa mai a, ka tap bass a ni ber e’ a tih chu.
(iii) Champhai pa pakhat pawhin, ‘Lehkhabu chhia mai mai zawna han tah te chu,’ a ti thin a. ‘Bookroom phei phei chu han zawn thei ula in va lam nasa dawn em,’ a ti a, a tawpah zawng a inhlan ta ho.
(iv) Zu in mi pakhat pawhin a nuihzat hle a, a man ve ta thut a, ‘Lalpa, hetah hian a ni maw I lo awm,?’ a ti chul mai.
3. A RAH :
(i) Bible chhiar theih leh Hlabu en theih an lo chak a, Mizo A, AW, B an zir a, Adult Education Programme a ni tel bawk a ni.
(ii) Leh lamah Champhai lama lo dawngtuten Chanchin Tha hrilna remchangah an lo hmang hlauh bawk a. Dik takin, YLA leh a dawngtu Pu Robuanga te tum chu a hrang hle a ni, mahse, a hlawhtling hle ve ve a ni.
(iii) Chanchin Tha Dak hian Zoram min luan hneh hle a, hminga lo chawite pawh an awm hial a, ruang bawlin an bawl lutuk ang tih hlauhawm khawp kha a ni a, mahse, rah tha tak a chhuah a. Pastor Saiaithanga chuan, ‘Zoramah chuan Kristian hnungtawlh te a chawk tho va, ringlo la awm chhun te a hnuk chhuak a, an rawn ring a, Missionary rilru min puttir hle,’ a ti.
(iv) Rev. L.R. Bawla chuan, ‘Burma ram Presbyterian lo pianna hnar a ni a, tunah hian Kohhran tam takin an bawm dawnte an la dah tha a, an roh hle,’ a ti.
Source : YMA CHANCHIN (YMA GOLDEN JUBILEE) 1935 – 1885 - C. Lalropuia
He Chanchintha Dakbawm hi kan komthlangpa Pu Robuanga 'L' khan hun rei tak chhung chu a enkawl in ka hria a,tin,a sulsutu poimoh zinga mi ni in ka hria a,a dakbawm thlalak hmuhtur a la awm chu ka va nihlawh ve ooo...
Pu Robunga chuan engtik lai vel khan nge a enkawl lo hriat tum ta che NP?
(Chanchintha Dak bawm) chanchintha thawn kualna bawm tihna em ni? Dak bawm a nih chuan thil hmun hrang hranga thawn kualna chu a nih hmel ah, eng atana hman ber nge tih min hrilh teh a A_es
Lung avan tileng em ! Pu Robuanga chanchin ziahna lehkhabu kha a ngaihnawm khawp mai.
A chanchin ringawt hi kan hre thin a, a lem en tur in rawn chhawpchhuak chu a lom om hle mai. A bengvarthlak hle bawk.
@Zkima-CC Tha dak bawm hi Burma rama an ken chhoh dawnin Mizo thuamhnaw te pawh an dah tel tih thu hman zan inkhawmah kan Upa in a sawi a.
@A_es i hriat reng hi,a inziah vek hi. Kum 1946 leh 1947 vel khan Champhai Ruantlang tlangval Robuanga khan tiaural ah a kalpui thrin
1946 july chawlhkar thumna vel ah mission veng biakin ah a hlanna hun an hmang
1947 july/august thla velah bawk Dawrpui leh mission veng biakin ah chanchinthra dakbawm zawn vwi 2 na hlanna hun an nei.
A main page baka ziahlan a hnuhma khi chhiar ve a tha asin,damna lo chan phah tawhte leh ngaihdan chi hrang2 te poh khi hriat ve hrim2 a tha khop ang.
@Craftsmen. Pu Robuanga'n alo kawl bik hunlai kha alom ka tih, a inziah chian loh khi. A tir atang khan a kawl ve nge a hnuah tihte??
a kawl thrin tih tak chu ka hrelo a..Tiaural ah a kalpui thrin tih leh chanchinthra dakbawm kengtu a nih chiah ka hria. englekhawle..heti khawpa lo buaipui ve ta chuan Tiau rala a kal dawn lai a zin dawn zan vel ah chuan an inah te pawh a hung ta ve ang...
Sawi leh hrihlo ang
Albert i delete hman a, ka chhiar hman tho e. Read more ala awm khi han chhiar chiang leh teh i sawi hi inthlahrunna tur a awm re2 lo. Han sawi tha leh teh ngaihdan a in chen thei hlei nem.
Rev. Saiaithanga chuan ‘Pastor te u, puithuna atthlakah in lut palh ange, fimkhur rawh u,’ a tih kha. A kawta bawm an zawn laiin, ‘Fimkhur rawh u, fimkhur rawh u’ a ti lawm lawm an tih bok kha.
Rev. Liandova (L) po'n naupang zawn tham lek a tia...
Mimal tinte hian han harhpui ila kan hlawkpui dawn nen aw....
Ka ziak poh kha k lo bel ltk tawhloa :-) . Ka object miahloa mase Mizo chu zia kn neia, kn Kristian nun hi culture ah kn seng lut ang tihhi k hlau thrin. Hindu religion hi kn chhui chian chuan culture religion ani zawk maha chuvangin Christianity pohi culture a in hruai luhna tura ngyhna annei tlat heihi k lo vei ve ltk a.
Chanchintha Dak bawm Upa ho in an lo wel come dan en hian Dawrpui Rilru zau zia t lang tu pa1 ah kei chuan ka ngai tlat....thlarau a khat nun nei a ram la zel tur a feh chhuak hnem kohhran lo ni mawl rawh u....
I type sual ni turah ka ngai ringawt a, "Lo ni mawlh rawh u" han ti zawk la a mawi zawk awm mange ka ti deuh. :)