Home »

Taksa a tullo awmte

04 September, 2010 9 comments

Kan taksa-ah hian thil hrang hrang puitlin hnua hmanna awm ta lo, mahse buaina siam thei an awm nual a, a langsar ber chu Rilphir (Appendix) hi a ni. Thlai kan kui tiah lai chuan hmawlhte khap khat lek lekin kan phun hual a, a lo len hnu chuan kha hmawlhte kha a mamawh tawh lo ni mai lovin, a mah kha a chhun chhe ve thei tho ta thin a ni.
Rilphir (Appendix) : Hetiang deuh hian mihring pawh hian pian tirha kan mamawh ngawih ngawih, thisen siam chhuah leh natna hrik ven hna lo thawktu chu Rilphir hi a ni a, mahse a bulah In lianpui Thin (Liver) kha an sa zova, a khawlpuiin hna a thawh tan veleh Rilphir kha chu hlamchhiah a ni ta a, engmah pawh a siam chhuak ve ta lova, a awm ve ta mai mai a ni.
Thling : Thling te pawh hi pian tirh te atanga thla thum chhung ah hi chuan thisen siamtu leh taksa thanna
tura thawktu pawimawh lutuk a ni a. Mahse thla a lo ral a, kum a lo ral meuh chuan a Factory lian Thin chuan engkim a thawk chhuak ta a, ruh chhunga thling chuan engmah a thawk ta lova, a lo awm ve ta mai mai a ni.
Ngum : Kan ngum filawr te hi sei deuh chu ni sela mei kan nei ni mai tur a ni a, mahse a tawi ta a, a hmawrah kap kara serh, mawng zawng zawng inthlunkhawmna a ni a, a rim ta em em a ni. Hei ve thung hi chu pian tirha hmanna awm vak lo, mi alo than len telh telha hman tangkai ber pawl a lo ni ve thung a,

chuvang chuan a insuihkhawm tam em avangin (chu chu serh, chhul, mawngkua leh rilpui) a hmawr hian a tuar lo ve in, ruhseh nei deuh hlek tan phei chuan ngum filawr hi ana ve ringawt thin a ni. A uaitu an tam lutuk vang a ni ber a, coccyclynia kan ti a, chiu in a reh mai.

Rilphir kha sawi leh ta ila, khatia a hma a tha tak, thisen siam chhuahna leh taksa tana pawimawh siamna kha alo ruak ta si a, KS leh Drug ngawlvei bacteria hoin a ruk a tawm nan an hmang ve thung a, a lo rei a, an tam lutuk phei chuan a lo vung a, natna a siam ta thin a ni. Chuvangin, rilphir paih mai hi a tha zawk an tih fona chu a ni. Thil dang tul zai paha paih a nih chuan a tha em em a, mahse natna dang neilo a rilphir na miah lo paih erawh chu thil tul lo leh tha lo a ni zawk.
Chutiang tho chuan thling (Bone Narow)-te pawh hi ruh tliakah chuan kan thuah fai vek a, thir kan thun thin. Thling hian eng teh tham a thawk tawh lo a, a chang chuan ruh pan/ngalnget (Brodies Abscess) siamtu a ni zawk thin. Hetiang hi taksa awm dan a nih avangin uluk taka kan ei leh in te kan tih ve loh chuan hengte hi natna siamna hmun thaah an chang mai dawn a ni.
Dr Thangchungnunga, MS (Ortho)

9 comments »

  • ^-||RaLtE||-^ said:  

    A va han bengvarthlak kher ve le... save keuh te ang.

  • Craftsmen said:  

    thrakhoopss mai...tangkaipui tur chi...

  • Zkima said:  

    Kan veng kan vannei ka tih em em chhan chu, hetiang ang thu tha leh bengvarthlak tak tak, kan dam chhunga tangkai bawk si thu tha tak tak ziak thintu mi inpe leh tlawmngai kan nei reng mai hi a ni.

  • A_es said:  

    Dik lutuk, Pu TC-a hi Chawimawi a phu ani (duh don lo mhse). A thiamna midangte tana a pe(ziak) chhuak thei zel hi a ropui ka ti takzet. Ka chhiar hmaih awm ka la hrelo a thu ziak hi. Ka tangkaipui khp my doctor zirte poh min ti chak ta rum2 mai alom le :)
    "Kan ngum filawr te hi sei deuh chu ni sela mei kan nei ni mai tur a ni" mak reuh awm mang e! :)

  • Unknown said:  

    A chek tui hang hop thin te khan eng nge an ngaihtuah ang OOOoooo???

  • Zkima said:  

    Eng chek tui hang nge maw i rawn sawi tak chu le? Hringngen

  • A_es said:  

    Mihring chek tuihang hawp thin a tihna chu ni em lo vang maw??
    Thling chungchang a sawi hi ka lo la ngaihtuah ngailoh leh hriatloh lam ani e, tha khop mai.

  • Zkima said:  

    Kei pawh thling hi ka lo ngai danah chuan ran ang chiah hian kan nei ve tho turah ka ngai a, ruh a ti khawngin a ti chak turah ka lo ngai a, thil tangkailo a nih reng reng ka lo ring ngai lo.

  • Unknown said:  

    A chek ei thin tan chuan ooooooooo.................

  • Leave your response!

    Han sawi ve teh le.