Thlan Lai Tawh Lo I La!
23 September, 2010
6
comments
Khawvel hun inher zelah kan Mizo Nun Phung pawh dan rual lohin a danglam zel a, hmana awlsam tak kha tunah chuan alo harsa ta em em mai a. Kan Mizo-na dal ta leh kan nunphung chhe ta vek hial pawhin kan sawi thin. Chu kan dinhmun YMA huanga kan khung bik deuh kan sawi leh kan ziah tam pawl tak, mahse awmze awm vak chuang silo chungchang hi sawi i han tum teh ang. Ngaihtuahna chhiartuten lo seng zui ve teh u. Tunge Thlan Lai Thin? : Mizo-te hi kan thih hnua thlan laia inphum thin kan ni a. Hmanlai ata tawh nausen (hlamzuih) pawh inphum thlap thlap thin kan ni a. Khawkhata val upa leh mi tlawmngai fal emaw duhsak awm bik deuh an thih phei chuan duhsakna entir nan an thlan tur hi thuk takin an laih sak thin a, a sawi uar deuh phei chuan “arsi lang khawpin” an ti thin. Chu chu Mizo nunze mawi tak zing ami a ni. Tunlaiah mihring kan tul em em theuh a, nilenga thlanlaihte pawh kan hman ta lo deuh a, Dawrpui khawtlang pawh hian hman atang khan zingkarah thlan kan lai thin a ni. Tun hma deuh kha chuan zing dar 6:00-ah chuan a kal
hmasa ten an chek hman tawh thin a, office kal duh leh zirlai pawimawh emawte chuan dar 8/9 velah an haw san mai a, chutih hunah chuan an zo thuak tawh thin. Thlanlaitu pawh kan tam thin khawp a nih kha.
hmasa ten an chek hman tawh thin a, office kal duh leh zirlai pawimawh emawte chuan dar 8/9 velah an haw san mai a, chutih hunah chuan an zo thuak tawh thin. Thlanlaitu pawh kan tam thin khawp a nih kha.
Hun alo kal zel a, kan buai ta em em a, tunah chuan zing dar 8:00-ah pawh kan chek tan hman ta meuh lo a, thenkhat tukthuan ei lova an kal laiin thenkhat eisa in zing thlanlai ni tho siin kan kal ta zengzung mai a. Thawk chhuak tlemte nih bawk si chuan zingkar thlanlai hian chhun dar 12:00-ah pawh zawh hman loh chang a awm ta fo mai. Tu mawh ber nge ni ta?
Hman awm taka ngaih, an tih ber hriat mang silo, thlanlai chuang silo hi kan awm fer fur mai a,YMA member sang chuang zingah mi 10-20 lek nih chang a tam hle; thatchhiat vang nge? hman loh vang nge? kan Mizo nunphung kan malmak ta? Tunlai hian veng/khua thenkhatah mahni-a thlan laih intum an awm tan ta. Rethei leh hausa kar a khi zel...! Rethei tan pawh thlanlai turin hlawhfa lak a ngai ta.
Engtin nge keini veng hian kan tih ve tak ang? Midang tih atan, “Thlan i lai zel ang u,” kan ti dawn nge? “A, kan tlin ta ngang lo a ni, thawhlawm thawh ila, thlanlai tur i ruai tawh mai ang u,” kan ti dawn?
- Samsona pa
Kan ngaih ngawih ngawih te thlanko chunga, tlawmngai tak a, zamawh nena nuih tir ham ham ai chuan mi rawih a laihtir hi a thlan awm tawh mah mah zawk lo maw ? Hun hnuhnungber atan chuan a zahawm in that hmel zawkin a lang.....Mizote hian pipute tlawmngaihna diktak kha kan la chhawmchho zel emaw chu ?
Khawngaih tak in thlanlaih hi chu ila kalpui hram2 teh ang u....Bansan a thawhlawm thawh a, a lai tur rawih tih vel hi sawi mawi lo in...tlawmngaihna nun hi i in zirtir thar zel zawk ang u....mi buai ber tan pawh hna thawh tibuai lutuk loin ala laih hman in ka hria..hawh u i in zirtir thar leh ang u...tlawmngaihna hi...
Kan in hal ral ve mai dawn te a nih ngawt loh chuan Thlan laih hi a la ngai reng dawn tih hria ila. Chuvangin mitthi kan awm chuan a ngai a ni tih Pavalai leh tlangvalte hian hre thar leh ila, kal thap thap mai ila in phut lem lovin. Kan problem chu kan solve mai dawn a ni. Chuti a nih loh chuan a laih dan tur lam chu hun inher zelin a rawn her chhuah pui ve mai turah ka ngai mai. A pawimawh ber chu 2by6 lei laih khuar a awm a ngai a ni.
A harsatna thangtharte hnenah kan infah ta vak2 niin ka hre deuh, harsatna lam ai mahin Tlawmngaihna hi kan in zirtir thar a trul zawkin ka hria.
Huhova thlan laih hi chu kan la bansa hun chu a thleng lo thei dawn lova, chuti rual chuan A_es a sawi hi adik khawp mai.
Tlawmngaihna kawngah hi chuan Nuleh Pa an pawimawh khawpin ka hria. Tunlai thangtharte hi zawng kan inang ta lo em a, thu tha hrilh pawh hrethiam lova min haw let zawk tu leh aia upate zah nachang hrelo hi kan tam tain ka hria. Chuvangin Nu leh pa te hian In lamah tlawmngaihna hi an fate hrilh mawlh mawlh mai se tha berin ka hria. Nu leh pate hian kan mawhphurhnaah pawh ngai ila ka ti deuh. Mi fate pawi sawitu kan ni mai ang tih ka hlau deuh.