Home »

Pumpuina

14 November, 2010 5 comments

Mizo hian Pumpuina, Thin thip, Kawpuar, Pum ti teuh toh, chawei tuilo mah se tlem ei a, Puar deuh anga lang si, a chang leh ek tui hnang deuh, kel ek anga mum leh sak te kan nei tam em em a, heng ho zawng zawng hi mitin deuh thaw in kan vei a, a chang phei chuan irh thur, thin thip vung vung leh dar leh dar inkara na chhuak deuhte pawh a awm thei a.
Heng ho hi kan hriselna a tha tawklo tih entirna a ni bera, thin thip leh na, ti nghial nghual, luak chhuak lek lek ho hi chu, a pumpui thuah chuan puma acid (HCL) tam lutuk vang ani ber a, a then phei chu a rawn luang let a, awm chhung thleng dawn dawnin a thip ve thin.
Acid tam vang anih si chuan, acid tih tlem chu a damdawi ani mai a, acid ti tam tu kan hriat a ngai a, heng, kuhva ei, vaihlo zuk, thil thial neuh neuh tiranga leh khawchhak thil kan ei nasa lutuk, chawei mumal lo lutuk te hi a chhan tam ber chu an ni fo a.
A chhan pakhat pawimawh deuh chu, mit (Gall bladder) tha lo emaw lungte awm emaw nei reng reng chuan pum thip leh raso, luak chhuak nghulh tih vel an nei a, lungte paih hma chuan pumpuina a dam thei lo. Tin, Gout (mipa ruhseh) hi kan nei nasa em em a, hmeichhiaah chuan, kal leh mit a lungte awm in a lang chhuaka, chuvangin a chhan hriat tum tur.
Tin, tunlaiah chuan rulhut lianpui pui ang kha a bo zo tawh a, mit a hmuh theih meuh loh leh mawng mirh tih te hi kan nei a. Heng pawh hi rulhut hlo ei chuan kum 1-ah thla 6 danah chhungkua a ruala ei thap mai tur, naupang bawkvak thei chin phei chu pek zin deuh an ngai, a hmuh apiang an ei mai thin a, an kua a dik thei thin lo.
Tin, Santen benvawn hi kan ngah em em a, serha bawlhhlawh chhuak nei ho phei hi chu pum nuam tak an nei ngai meuh lo, hei hian pumpuia acid insiam a ti tam ve tlat a, chuvangin i ek a dik loh reng chuan Santen damdawi ei a ngai ani mai
Thil vang deuh, TB te, Cancer te, Rilpui lawng te leh thil dang tam tak chu pumpui acid ti tamtu anni ve thei a, mahse thil vang deuh zawk anih vangin nei lo turah inngai phawt la.
A pawimawh ber chu, Mizote hian health check-up hi kan ngai pawimawh lova, Ultra sound, Endoscope (Pumpui enna) te thisen chi hrang hrang a test - Blood sugar chauh nilo te, Blood pressure-te mit en tir te, kum 40 nih tawh chuan vawikhat na na chu tih ve vek a tha. Sap ho angin family doctor-te kan la nei zo ve si lova, Cancer-te pawh kan hriat meuh chuan a tihngaihna a awm tawh lo tih a ni fo. Chuvangin, hrisel tha taka awm i duh chuan, balanced diet te, health check-up te, tui (Liquid) thingpui sen hang in tamte, hunbi dik a chaw ei te kan zir ve deuh a ngai a ni, tunlaia Multi-Vitamin thaah phei chuan thingpui hi an telh deuh vek tawh ani.
- Dr Thangchungnunga, MS (Ortho)

5 comments »

  • ^-||RaLtE||-^ said:  

    Ziak tha thin hle mai. keipawh hi pum sawisel reng mai hi ka nia. Ninawm thei thin khawp mai. Acid tam lutuk neutralise tur hian damdawi mai bakah Tui in tam hi a pawimawh khawp mai. Tin, hnathawh loh lutuk, physical movement neih tlem pawh a tha chuang lo. Morning walk, emaw physical exercise heavy vak lo tih thin a tha khawp mai. Anih loh pawhin sports kan tui zawng khelh thin pawh a tha tho mai. Hetianga taksa kan tih chet hnem hian bowel movement a kal tha a, acidity pawh nasa takin kn reduce thei ani.

  • Zkima said:  

    Morning walk hi kan sawi teh sek a, Noon walk te, evening walk te, night walk te pawh hi tha ve tho lo maw, hman hun hi a in ang lo a nia.

  • Bja Hauhnar said:  

    Moon Walk chu Michael Jackson(L) khan a ti thin

  • A_es said:  

    in va ho dun mai2 e aw!! :)

  • Hringngen said:  

    Pum chung chang hi chu ninom lam a kai tep toh zok mahse nin theih ani c lo.... zuk leh hmuam t lo poh hi pum thatna bik a omlo te hian ka hre rum2 thin.....

  • Leave your response!

    Han sawi ve teh le.