Rualbanlo

Rualbanlo tih hian tawng mawi tak, mi anglo sawina a ni a. Tunlaiah chuan India sawrkar hian a ngaipawimawh em em a, dan hial a siam ta a, PWD Act (Person With Disability) a ni a. He dan hian rualbanlote chanvo ve tur a siam sak nasa hle a, State tinah hman mek a ni bawk a ni.
    Mahse rualbanlo, piangsual, mi ang lo, han tih hian awmze hrang an nei deuh thluah a. Rualbanlo chu- mi tih theih ang ti thei lo, a chhan engvang pawh nise sawina a ni a. Piangsual erawhchu piantirh atanga rualbanlo sa, taksa diklo, ke phir, ke/kut tawi te, lulianpui te an ni thei a. Mi anglo kan tih erawh chuan a rualbanlohna chu rilru lam buaina, mi â kan tih hi a kawk bawk a.

    A enga pawh chu nise sawrkar chuan a nasat dan a zirin chanvo a siam sak a, 40% chung lam dik lohna a nih chuan sawrkar duhsakna a dawng thei a ni.
    Heng, kawng hnuailam zeng, taksa chanve zeng, ban/ke chauh zeng, naupan laia Polio (zenghri) avanga
ke lehlam te em em te, kut ke bul te, mitdel leh bengngawng te a huam in rilru buai te pawh a nasat dan a zirin a huam vek a ni.
    Sawrkar hian eng hna pawh la dawn se rualbanlo tan hian sawm a pakhat aia tam mah a reserve a. Mahni dinhmun a zirin peon te, LDC te, MCS te thlengin seat an nei vek a. Sawrkar motor leh lirthei reng rengah a free-in an chuang thei a. Sum leh pai zawng pawhin tanpuina an pe bawk a.
    Heng thil hrang hrang an tihna chhan pawh endawng a, chawmhlawm ringawt an nih lohna tura tih a ni. Chhungkaw chawmtu, mahni a in chawm zo ve a siam hi a tam ber a ni. Chuvangin lehkha zir thei chuan piangsual mahse zir zel se, thiam taka BA/MA-te a pass chuan MCS-te an exam ve thei ta a. An mahni tana seat ruatsa kha rualbanlo BA 3 awmse, an pathumin an in chuh dawn a ni ber mai. Hriat chian leh zual ka duh i tih chuan PWD Act chhiar mai rawh.