Bial KTP Sports 2011
16 April, 2011
1 comments
Dâwrpui Pastor Bial KTP Conference Vawi 53-na, Saron Vêng Kohhran Biak Ina neih Thurel 3-na bawhzui in Bial KTP Sport kum khat dana neih tûra tih chu ni 2. 4. 2011(Inrinni) nilêng khân PUC Field, College Vêngah a tum khat nân neih a ni a, mi 392 vêlin (chhiar theih chinah) he sport hi kan hmang thei a, Bial chhûnga Branch pathum chauh kan awm hnua Sport hlawhtling ber a ni hial mai awm e.
Zîng dâr 10:00-ah Bial Sport Committee Chairman, Pu Zothlamuana’n Pathian hnêna hlânin Sports a hawng a, tlai lamah Pu Lalbiakdika, Bial Leader-in làwmman a sem a, Pathian hnênah tawngtaiin Sport hi a khár a ni. Zîng lamah inchhiar laiin mi 171 kan thleng hman a, tlai lam inchhiarnaah erawh mi 221 kan awm thung. Dâwrpui Branch atangin sport tûra member thawk chhuak zawng zawng hi mi 178 an ni a, Saron Branch atangin mi 109, Zarkawt Branch atangin mi 105 (inchhiarna angin) an kal thei bawk. Intihsiakna item pariat (8) bâkah Attendance hmangin inel a ni a, heti ang hi a pumpui results chu a ni.
1st Dawrpui Branch Gold - 5 Silver - 1 Bronze - 42nd Zarkawt Branch Gold - 3 Silver - 3 Bronze - 4
3rd Saron Branch Gold - 2 Silver - 6 Bronze – 2
Ka tel ve chak tehreng nen ka awmlo alawm mawle....pawi ngawt mai