Home »

Thal Ruahtui

10 April, 2011 9 comments

Thal a rawn ni chho dawn a, ruah a sur hun hunah ruah sur hmasa ber hi chu tuizem a dah loh leh innan tir loh (ruah do loh) a him ber. A chhan chu thal laia boruaka natna hrik thlawk kual mai mai ho kha ruah tuiin a rawn hlawmkhawm a, natna, kawthalo leh hritlangte neih a awl bik thin.
    Tunah tak phei chuan North East Monsoon tleh hun a  ni a. Keini chuan ruah kan dawng ve lo a, tun lai hian South India-ah chuan ruah a sur zauh zauh ang. Fur kan tih hi South West Monsoon a ni a. Tuifinriat (Indian Ocean) atanga lokal a ni a, chhim thlanglam atangin hmar chhak lamah a chho a; Fur tui kan tih ber chu a ni a. North East Monsoon erawh hi chu khawmual atanga lokal hmar chhak atanga chhim thlang lam zawngin a kal ve thung  a, ruah tui a pai thei ve lo.
    Mahse, tunlaia Japan Nuclear chhia zung zam erawh hi chu he North East Monsoon hian a rawn tleh thlakpui ngei dawn a. Tunah pawh a piah lam aiin chim thlang lam Phillipines-ah a lang tawh  a ni. Asia ram te, India ram te pawhin he monsoon hi kan dawn ziah avangin tun tum kher hi chu Nuclear zung zam atel ang tih ring mai la, ruah sur leh nisa lutuk hnuaiah awm loh a him rih ang. Pawl 3 kan nih laiin kan lo byheart daih tawh a ni.
    North East Monsoon chu khawvel hmar chhak atangin a lo tleh thla a, ruah a pai ve lo a. Bay of Bengal a thlen chuan ruah a pai ve a, Kerela te, Madras te chuan ruah tlem an dawng thin. Tunlai hi a tleh hun lai a ni bawk. Tin, South West Monsoon chu India tuipui (Indian Ocean) atanga rawn in tanin, hmar chhak zawngin a tleh chho ve thung a. Chu chu June, July, August “ Fur” kan tih hun hi a ni. Miin “a hlauhawm lo,” ti ti mahse kan monson tleh dan a ni miau a, a hlauhawm ve pha mahna tih lo hre ve mai mai rawh.
- Dr Thangchungnunga, MS (Ortho)

9 comments »

  • Anonymous said:  

    A bengvarthlak khawp mai. Kum dang zawng aiin kuminah fimkhur leh zual kan ngai dawn a nih hmel khawp mai.

  • Bja Hauhnar said:  

    Sipeling diklo a van tamve... awmzia ka bo trep... ennawn thuai2

  • Bja Hauhnar said:  

    tuisem(tuizem), in nan(innan), . keini (Keini), tun lai (tunlai), lo kal (lokal), cho (chho), lo kal (lokal), zungzam (zungzam), +... some context missing.... haha...

  • Chicco said:  

    A thhu hi chhiar lo tan pawh a thlalak hi a hmuhnawm tawk viau in ka hria.

  • A_es said:  

    Bj : I hna i tlin thin e, admin atan kan va it che ve mawle, nang ang hi ani kan zawn, hehe.
    Kan siamtha nghal e, hei bik hi chu check loh hrim² a kan upload ania, hman veleha check atana kan lo dah ania, kan hmuh loh ngei² tur tha pui² i rawn hmu tlat, i sawi bak poh kan lo siamtha nuap² e. Nidang zelah poh akn ring zel ang che :)

  • Bja Hauhnar said:  

    hehehe.... yes sir!!....
    thil pakhat mai2 in a
    ....Asia ram te, India ram te pawhin he monsoon.(3rd para)..ni lovin Asia ram leh India ramah te pawh Monsoon... tihni zawk se a nalh awm... Object 2 chauh subject 1 sawinan chuan '..te,..' thil inang/intluk/thuhmun(nihna) sawina a nia.. Asia=India tihna ang deuh a nia, Continent leh Nation em hi chu a intluk har deuh awm te ka lo ti ve mai mai a... duh uluk luat vang zawk a ni e... ka kam tam ta... min min ngei hmain duh tok hmiks...

  • A_es said:  

    Tuman an ngei lo ang che, a ngeitu che chu i zilh hrep ze tih an hre vek, an hlau ltk che male a bikin nula hovin :)
    I sawi ang hi ka ngaihtuah fo, mhse a ziaktu ziak ang² hian kan upload mai thin a (spelling diklo deuhte awm anih loh cuan), a ziaktu hi thuziakah chuan ropui lo maithei mhse a hriatna leh a thiamna midang tana ui lova a pe chhuak hi a ropui khawp mai.

  • Zkima said:  

    Inhnialna thianghlim a ni e, han ti zel teh u

  • Michael Fanai said:  

    A ziak tupa hi kan hnial teh ang. Fukushima Nuclear plant hi Mizoram chu sawi loh India ram atang pawhin mel sang chuang fe ani a, riadiation chu kan tana hlauhawm tur chuan chhumah ruah angin a rawn kal a ngai dawn a, chhum chu mel sang chuang a rawn kal thei dawn emawni le? A ral hman vek ang tih chu MI PANGNGAI tan chuan hriatsa ani. Tin, mithiam tak tak hetiang lam zir mi in “People with a distance between 20-30 km from the reactor should stay indoors," an ti duh chauh sia, mi thiam tak tak ai hian kan lo hre thin hi a buaithlak. CHHIAR ZAU THIN TEH ANG U.

  • Leave your response!

    Han sawi ve teh le.