Home »

Kan vel boruak nena kan inzawmna

26 April, 2011 1 comments

Kan vel leilung leh boruak leh tui te hi Pathianin kan mamawh min pe tur leh kan taksa awm dan reltu pui ber an ni a. Thenkhatin Arsi-a hrilhlawkna, Horoscope te leh thla bial leh bial loh tena kan hringnun leh taksa chhungril a khawih danglam theih zia te hi hriat loh vangin tam takin Horoscope te hi ramhuai thil, aienna ang deuhah an ngai a. Hei hi a ni lova, mihring reng reng an pian thla azirin an zia leh themthiamna te a innghat tih hi dawt a ni lova, mahse nitin a Horoscope a lehkha i hmuh ang tih vel nepnawi lutuk hi chu phuah chawp a ni tawh thin. Entirnan Leo group a mite chu Science leh kut themthiam lam an thiam bik a. Vana Arsi leh thla te hian awmzia an neih zia chu, Isua piang tur pawh mifing (Horoscope lam zirmi) te chuan an hria a, an pan mai a ni.
Hetiang anih avang hian kan vel boruakin min Control dan hi hriat ve a tha. A bikin ruhseh nei ho hi, hunpui thlasik leh thal inthen dawn laite hian a na zual a, khua a thal a, ni a sat val val lai pawha i ruh na alo chhuah chuan a tukah emaw khua a dur dawn tih i sawi lawk thei ang. Hetiang tak hian kan taksa hi kan vel boruak hian a control a. Ni sa vawl vawl te hi taksain a haw lova, chhum leh romei zam nasa kara nizung hi taksa leh mitin a haw zawk. Ni a lan chian loh hian kan taksa (A bikin Mit) tana thalo Ultra Violet Ray a tam bik a ni tih te hriat tur. Tin, ni eng hian kan taksa-ah Vitamin D a siam avangin naute piang hlim nei chuan ni khatah minute 10 vel tal ni eng hnuaiah dah thin tur. Tin, Lei hipna (Magnetic Force) hi kan thisenzam leh hriatna thazam enkawl diktu pakhat a ni. Ke lawnga lei darkar chanve tal han rah ve te hi theih sela chuan kan taksa ati hrisel a ni.
I vela Pathian thil siam dik sa nena i nun thiam loh chuan i tuar ngei ang.
- Dr Thangchungnunga, MS (Ortho)

1 comments »

  • A_es said:  

    He thu hian ngaihtuahna chu a ti zau ngei mai, Pu TC-a a ziak tha e. Vana Arsi leh thla te hian awmzia an neih zia chu hriat ani a, amaherohchu Horoscope te leh thla bial leh bial loh tena kan hringnun leh taksa chhungril a khawih danglam theih zia te hi hriat loh vangin tam takin kan lo awihlo ve ngot zel chu ania, heta a sawi ang hian Magazine thenkhata an ziak anghi chu awih vek tur chu anih loh hmel

  • Leave your response!

    Han sawi ve teh le.