CANNED FOOD

Tunhma atang tawh in, tin a dah chi, Mizoin kan hmelhriat hmasak ber ni a lang chu sangha tin hi ani. Tunah chuan, tin kher lo pawh glass bur pawhin ei tur chi hrang an siam tawh a. Hetiang chi ho reng reng hi lei hma in a siam hun en fo a tha, use best before 1 year / 6 months tih te a awm zel ang. Hei hian chhan a nei a, sangha kha chhe thei lo tur a siamna damdawi, preservatives an tih chi an telh thin a, phui takin an char hnan leh ta thin a, hawn leh hma chu a tha tur a ngaih ani a, mahse hman hunt ha ber an tih ang a hman hi a him ber. Hetiang sa tin ho reng reng hi i zu hawn rual chiah hian a chhiat lohna tur a an dah, damdawi leh pawn boruak, oxygen a han in tawh chiah khan chemical, damdawi chi dang a inseam (oxidation) ta a.. An damdawi, a chhiat lohna tur a an dah , leh oxygen in pawlh khan thil tha lo tak, a thenah te phei chuan, tur ang hial a hlauhawm a siam thei a, a chhan chu preservative hi chi khat chauh a awm lo a, chuvang chuan fimkhur a tha. Fimkhur dan tha ber chu, engpawh ei mai theih tur a siam sa tin, bawng tin, vawk tinthlai te pawh ani ang chu, i lei anih pawh
in, ei zawh nghal vek thin tur. A thing ei loh tur, a thing id ah tha lui a, i ei leh anih chuan kawthalo, luak, pumna etc thihna thleng in a awmtir thei tih hria la, ei bang chu paih mai rawh, ei ve nghal tur i hria a nih loh chuan. A tin a awm chi ei uar deuh chhungkua te hi awm ani a, chuvangin fimkhur tlan a ngai hle ani. Entirnan, tunhma baltin (bucket) rit deuh sawi mahse vuak dik leh mai theih, sipai baltin kan tih ang kha, suan (zinc) leh aluminium a siam ani a, vansang atanga parachute a thlak a, a per deuh anih pawh a vuak that leh mai tur a siam ani. Zu dah nan han hmang chhin teh, zu emaw i tih kha zinc oxide, sazu tur dum, hlauhawm be rang chi kha alo ni daih mai ang. Bekang eisual tam tak pawh hi, hnahkiah hnah la lo in, in bul kawr kam a tawtawrawt par hnah hman vang hi ka chhui chhuah pakhat chu ani. Tawtawrawt par hi a zung atanga a par zu thleng hian tur (dhatura) an tih hi ani a,tunhma chuan a tam thin a, tunah erawh chuan khaw tin ah hmuh tur a awm zeuh zeuh chauh ani ta ani. Ei leh in ah hian kan fimkhur tlan a ngai hle. A theih hram chuan, a fresh apiang hi hlauhawm a awm lova, chu pawh chu a lei tha enkawlna azir a hlauhawm thei pawh a la awm cheu a. Chuvangin, kan ei leh in hi eng ang chiah nge a nih kan hriatchian viau loh chu ei mai mail oh hi a him ber. Sa tin te ang te pawh hi thenkhat chuan a chanve chauh siam in fridge-ah dahtha in nidang a ei ah te an dah thin a, hei tak hi tih loh tur ber chu ani. Kan sawi tawh ang khan, eng ang tur nge taksa tan a thalo a siam chhuah hriat phak ani tawh lo a, tin chi reng reng chu ei leh tur a dahthat chi ani lo tih hi i hria ang u.