Home »

CHAPCHAR KÛT LADY KAN NEI

25 April, 2017 0 comments

Mizo Photographers’ Society : Society pakhat - Mizo Photographers’ Society an awm a. Anni hi Camera Tha tawk tak, an thil tawn leh hmuhte an thla lak sak a, mawi taka chhuah thiam an ni a. Chapchar Kût hmangtu a bikin nulate an inring lai leh inring lo lai pawh an duh an duh an hmet a, Photographers’ Society Facebook page-ah thehkhawmin, an tlangzarh hnuah an mahni ‘page’ zawm (join) tu a duh apiangin nula hmeltha leh hnam incheina ziarang lang theite chu “like” an pe ta a. Chuta tang chuan like-tu ngah 10 (Top ten) an thlang chhuak a, chung top 10-te chu an zirchiang a, an inah ngei kalin an mahni ngei an kawm a, an awmna veng YMA hruaitute pawh a rukin an kawm bawk a; Chumi leh like-tu ngah top 3 thlang lehin chuta \ang chuan “Chapchar Kût Lady” chu an thlang chhuak ta thin a ni.
Dawrpui Nula : Dawrpui-ah hian nula hmelṭha leh fel, chhiatni thatni leh Kohhran thiltihna langsar kan ngah hle a, a lawmawm ngawt mai. Kumin 2017 Chapchar Kût Lady tura Mizo Photographers’ Society-ten an thehkhawm aṭangin Dawrpui Nula pahnih - Zohmingliani  Ralte d/o R. Zoremsanga, Jail Veng leh Rivca Lalnunsangi d/o Lalchhandami, Dawrpui West te chu an lo lang nawlh mai a. Dawrpui khawtlang min barakhaih hial a lawm le! Vengchhung mipuiten duhsak takin tih tur a nih angin kan “Like (<)” ta sup sup a, Aizawl nula fuankhawm, hmelṭha tak tak zingah Dawrpui nulate chu a sang sawm (Top 10) zingah an tling ta der mai. A va nuam em! An han thlifim leh a, Nl. Rivca chu tam tak zingah a vanduai pawlah ṭangin Nl. Zozovi chu Top 3 pali zingah a lang zui ta a ni. March 14, 2017 (Thawhlehni) zan khan Hawla Auditorium-ah Kut
Lady thlanna neih a nih meuh chuan Dawrpui nula Zozovi chu pahnihna (1st Runner Up) a rawn ni ta a ni.    
Hemi hunah hian Dawrpui Y.M.A. member leh hruaitu tam tak an tel a, M.H.I.P. Dawrpui Branch member thahnem takin an tawiawm bawk a. Pi Lalrengpuii, Secy M.H.I.P.-in Dawrpui aiawhin thusawina hun tha tak a hmang bawk a, boruak pawh a nuam hle a ni. 
Ropui taka hmuah an ni : Mizo Hnamro Chawisang Pawl building, Jail Vengah Y.M.A. huaihawta lo hmuah an ni a, Y.M.A. Branch hmingin Secretary, Pu Lianzama Pachuau in Nl. Zozovi pangpar thi a awrh tir a, Cultural Sub.Committee hmingin Secretary, Tv Ramherliana’n Nl. Rivca-i a awrh tir thung. M.H.I.P. Dawrpui Unit lam aṭangin President Pi Vanlalhriati’n  hun tawi a hmang a, an pahnih hian lawmpuina pawisa M.H.I.P. hmingin a hlan  bawk. Pi Tlangthankhumi, Asst. Secretary-in Nl. Zozovi pangpar (bouquet) a pe a, Pi Lalrengpuii, Secretary-in Nl. Rivca-i hlan bawk. Dawrpui khawtlangin par a chhuang mek zel e.
Zozovi hi Taitesena Section Treasuer a ni a, Rivca-i hi Chawngbawla Section Committee member a ni bawk. Tin, Kut Lady Lawmman 1-na pawisa fai Rs. 10,000 tumtu hi kan veng pa Pu Rochungnunga (Marova), P& Sons a ni bawk. MPS hian kum 2014 aṭang khan Chapchar Kut Lady hi an lo thlang tawh \hin a, kan veng aṭang hian Pu Malsawmdawngliana (Nanoa) leh Pu Isaac Laldinthara te chu Exe. Member an ni mek bawk.

0 comments »

Leave your response!

Han sawi ve teh le.