DAWRPUI-ah Health Clinic

Hunrei tak ata Dawrpui mipuiin kan duh leh beisei, vawi duailo sorkar hotu lam kan dawr thinna “Dawrpui Health Sub-Centre/Clinic” chu kan nei ve ta reng mai! A va lawmawm em! Rokhawlhna dang a awm loh chuan March 2017 thla chawhnu lam hi chuan pangngai taka hawn a ni tawh dawn a ni.

A hmingah buai suh : A thenin Dawrpui Health Sub-Centre kan tia, Health Clinic tur zawk, tih kan awm bawk. Engpawhnise, Dawrpui-ah Health Sub-Centre emaw Health Clinic kan nei dawn tihah hian chiang ila; Sub-Centre hnathawh dan leh Health Clinic hnathawh dan a inang reng a, a enkawltu pawh “Health Worker” tho a
ni. Singboard-ah pawh ‘Dawrpui Health Sub-Centre, a hnuaiah Clinic pawh a tih theih... tih hi kan thu dawnna a ni e. Thawktute duhthusam chuan “Dawrpui Health Clinic” tih hi an duhthusam a ni.

Dawrpui Health Sub-Centre chu Saron Vengah : Hei hi thil hriat sual palh deuh niin a lang. Thawktute hnen atanga hriat danin, tuna Saron Venga Centre awm hi ‘Bazar Health Sub-Centre’ a ni a, tunhma khan Dawrpuiah hmun chu lo awm ta se, Dawrpui tih pawh a ni thei a, a tira a hming hi Bazar Health Sub-Centre tih a ni hrim hrim, Saron Venga hmun a lo awm takah a hming a pu ta zawk a ni. Tun dinhmuna Clinic/Centre hi department lam a\ang chuan a har hle tawh a, Health Department duhsakna avang liau liau pawh a ni e.

Engtinnge kan neih?  :   Tunhma atang khan kan khawtlang hruaitu ten nasa takin hma an lo la tawh thin a, hmun pek mai tur kan neih loh avangin vawiin hi kan thleng ta a ni ber mai. Kan YMA hruaituten thahnem an ngai a, Silver Jubilee building kan neih takah chuan room pakhat pek hram dan an ngaihtuah a. Indaih lo hle mah ila, tuna Upper Bazar-a Jubilee building room pakhat chu an lo sahthlak theih tak avangin “Dawrpui Health Clinic” hi nei thei chauh kan ni. Kan YMA te kan chhuang a, kan fak e!

A hautak angreng  : Department lam atangin Clinic mamawh pek theih a tlem em avang leh tunhma a\anga lo kal phung angin a tuamhlawm leh mamawh lamkhawm chu khawtlang mawhphurhna a ni. Fridge, Almirah, Chair, Dawhkan, BP Check-na, Carpet,  Matress etc. heng mamawh senso tur hi Rs. 50,000/- vel tura chhut a ni a.  Khawtlang NGO ten an intum sem ang a; YMA lamin building an thawh avangin sum lam mamawh chu MHIP, MUP leh Local Council ten an inthawhtawm ang.

He Clinic-ah hian Nu naupai inentir te, naute vaccine lak te, leh tul dang thawh a ni ang a, Health Worker pahnih Pi Sermonthangi (Senior) phone - 9774214367 leh Pi Lalhmangaihi Phone - 9862310732 ten an thutchilh dawn a ni.