Dawrpui khawtlang chhiatna leh a chhehvel

Dawrpui khawtlanga thil thleng ngai zen zen lo a thleng thut mai a, mipui kan chiai a, kan bangbo hle a, mahse a hun takah kan tih tur ang angte chu Y.M.A. leh Local Council remruatna leh thawhrimna zarah kan hlen niin a lang a, a lawmawm hle a ni.

Mibo kan nei : Ni 17 July, 2017 (Thawh\anni) chhun velah Social Media-ah Dawrpui tlangval Kiddy Lalramchhana s/o K. Liantuala chu ni 15 July, 2017 (Inrinni) tlaia a chhuak ala haw loh thu leh alo hmuten an hrilhhriatna tur phone no a lo lang a. Mipui min tithlabar hle a, enge a awmzia kan hre lo hlawm hle. A hre hmasa apiang Pu Liantualate inah tlankhawmin kan \halai \henkhat Lengpui lamah an liam nghal bawk a. Kiddy-a hi lengrei satliah deuh, khawiah emaw awm bo a, hmuh leh mai theih beiseina avangin chhungkhat laina hnai zualin a hma ni, Pathianni a\ang khan an lo zawng tawh a lo nia. Inthlahrunna nen hmuh leh mai beiseina rilru nen, khawtlang em han pun chu an lo ti rih lo a lo ni a.

Mibo zawn beihpui : Thu a kal zel a, ni 17 July, 2017 zana Khawtlang hruaitute (Jt. Committee) nen sawiho a ni a. A tuk ni 18 July, 2017 (Thawhlehni) hian Dawrpui khawtlang mipui a thei thei ten Lengpui ram lamah zawn nise, an ti ta a ni. Hemi hma hian Thawh\anni a\ang khan Lengpui VC kaihhruaiin Y.M.A. leh mi \hahnem takin an lo zawng tawh a, Lengpui VC-te kaihhruaiin Bo zawn hna hi thawh a ni chho ta a ni. 

Dawrpui \halaite kan duai loh zia leh \hianchhan thihngam kan la ngah zia a takin a lo lang a, vantlang huapa
zawn ni ruat hmasaah mi 120 zet kan thawkchhuak a, nisa khawlum hnuaiah ram hnuai la kal ngai lohnaah kan han vak darh sung sung mai chu a nuam a, a hmuhnawm >m >m a ni. 

A ni hnihna July ni 19-ah a hma a mi aia tam zawk mi 150 zet khawchhe hnuaiah kan han chhuak leh a; Tin, Zarkawt lam a\angin mi 30 zet an lo tel bawk. Motor neituten phal takin an motor an thawh bawk a, ava ropui em!

Heng zawng zawngah hian Lengpui khawtlang tlawmngaihna leh inpekna a ropui >m >m a, a ram chin hre zawk an ni a, Group Leader in siamin min kaihruai zel a. Hall-ah thingpui leh a hmeh, zanriah thlengin an buatsaih a, hah pawh an hah hle a ni.

Dawrpui Local Council kaihhruaina in Hnamro building-ah “Information Centre” ni 19 July, 2017 a\angin hawn \an a ni a, M.H.I.P. lam ten duty insiamin phur tak leh \hahnemngai takin tih tur \ul an ti a, ava thlamuanthlak em!! Information Centre hawn a nih tak veleh hian \anpuina pawh a lo lut nghal a, hetiangin :-

Pu Thansanga (Hauva & Sons) Rs. 2,000/-

V.R. Agencies (Pi Chhuani) Rs. 2,500/-

S.A.Y Bazar Corps Rs. 2,000/-

Pu K. Liantuala Rs. 6,000/-

Zarkawt Y.M.A. Rs. 3,500/-

Lalawmpuii Rs. 1,000/-

Upa R. Zodingliana Rs.    500/-

Upa Zosangzuala Rs.    500/-

Aldrin Lallawmzuala, Zarkawt Rs.    500/-

R.S. Traders Rs. 2000/-

Tin, Lengpui VC-te hnenah a \ul anga hman atan Pu K. Liantuala ten Rs. 3,000 an pek bakah \hian pawlho (Sunday Friends) ten Rs. 7,000, Mizo Hnamro Chawisang Pawl ten Rs. 2,000 leh Dawrpui YMA ten Rs. 10,000/- an pe bawk a. |hawh\an zan khan kan veng \halai bo zawnga thawhchhuakte hnenah Pu Vanthangpuia’n Rs. 2,000/- a pe bawk.

Enga ti nge Lengpui ram zawn a nih ?  : A hmu hnuhnung ber ten Lengpui lamah an hmuh avang leh NIT hmunah ngei ama hming leh pa hming, veng hming sawia a kal vang a ni ber. Hmun hrang hrangah amah ni awm hmu an awm \hin a, Lengpui huamchhung zel a nih avangin helai ram vel hi tuam a ni ta a ni. 

Ruang chhar  : Ni 19 July, 2017 (Ningani) tlai lamah Khamrang a\anga km 4 vela hla huan pakhat enkawltuin mipa ruang a chhar thu hriat a ni a. Tv. Kiddy a ni thei em tih rang taka ngaihven a ni a. Kawnpui Police lamin an lak tak avangin rorel a buai deuh a, hemi ni vek hian C.Y.M.A. lam pun an lo ni tawh bawk nen zan rei tak thleng Dawrpui khawtlang hruaitute nen Meeting an nei a, IGP hial bia in, ruang hi a zan la lain Aizawla phurh chhoh dil a ni a. Khamrang YMA member 5 ten ni 20 July zing dar 4:30 vel khan Damdawi in mitthi dahna an rawn thlen ta a ni.

Tv. Kiddy ruang lainatawm tak chu : Kiddy-a a ni thei em tih rang takin \henrual leh a chhung ten an enfiah a, ruang hi a chhe tawh ang reng a, a hmel phei chu a hriat meuh tawh lo a ni. Amah hriat theihna niawm lai te finfiah a nih hnuah Tv. Kiddy Lalramchhana ngei a ni, tih finfiah a ni a, tlai lam dar 4:00 khan ropui taka vuiliam a ni ta a ni.