Home »

Hmasawnna duhawm tak

22 July, 2017 0 comments

- Vanhmingliana (Taua)
Chhungkua hian thihna tawkin tumah khawhar min hnemtu tur pawh awm lovin mahni chhungkua chauh hian kil \hap ta mai ila, a hrehawmin ava vanduaithlak lehzual dawn em!
Tleirawl, tlangval kan han ni chho ve a, kan thil zirna leh tih tur min hrilhtu te chu V^l-upa kha an ni mai a. Naupang kan nih lai chuan V^lupa ten min tir a, au dan tur min hrilh a, tichuan Dawrpui veng tluanin, “Thlan laih tur a awm e, Dawrpui thlanmualah” tiin khawlaiah kan au rual \hat \hat a, chu chu veng chhung mithi inhriattirna chu a ni mai. Tun ang hian lirthei a awm ve lo tih hriat a \ha. Willys Jeep-te hi vawi hnih khat an tlan tlang zeuh zeuh, two wheeler a awm lo tluk a ni.
V^l-upa an kal hmasaa thlan hmun an lo en a, laihna lai tur an kawhhmuh veleh laih tur a ni mai. T Dawrpuiah hian thlanlaih tur a tam bik >m >m mai a, a chhan chu Civil Hospital awm vang hi a ni. Ram hla taka mikhual,
hnamdang thingzaia inhlawh, vai \henkhat (Muslim) chhungkaw nei lo, ruang hlawmtu awm lo te hi nurse ho hian ‘lo tlawmngai leh mai teh u’ tiin Dawrpui tlangval an ngen a. Mortuary ami titek thet thut tawh te hi stretcher-a zawnthlaka phum mai an tam hle \hin.
Pu Rochana Painter(L), a hnu deuhah Pu Ruala, Painter(L) te hian damdawi inah an bed ticket en chawpin an hming leh kum te an ziak a, a ziak pawh ro hman loa an rawn keng thla mai \hin te kha an lo va fel tak em! A vui \hintu deuh ber te chu, Pu Sena, Zion Street (Thangruma & Sons), Pu Rokhawlova te an ni tlangpui, an hriat ngai pawh an ni bik lo. Khawngaih leh lainat takin an vui mai \hin te kha ava ropui em! An remchan loh palh hlauha vuitu nei loa thlak thlak hlauh mai chang te pawh a awm. Tlangval la naupng ve tak mai ni si tlawmngai thei Pu Rodingliana(L) khan \awng\aiin a thlah liam zeuh zeuh, thiam taka vui nen Lalpa ngaihah chuan a inang reng tho ang chu!
Mitthi lumen zanah te tual zawla thingfak ngei a thingpui lum kha a ni \hin a, gas ala awm lo. Keini thingpui lumnaah \huin kamnam deuh thenkhatin zahmawh leh fiamthu an thawh a, an nui hluah hluah mai \hin kha a ni a. In chhung ruang awmna lamah kha chuan pitar, putar, nu leh pa te hlir khan lengkhawm/khawhar hla sain an zai ra ra \hin a. Thalai ten an tih turah an ruat em em lo a ni ang chu. Pawnah an tlaivar \hak a, zingah thlan laiin an liam nghal \hin, mahse khawhar hnemna ropui tak vek a ni. Heng ka thu han sawi leh hun hmsasa lama Dawrpui chanchin ka sawi hi Zoram buai hma lawk leh buai hnu kum 1980 thleng te pawh a ni hlawm ang.
Tunah erawh chuan inchhungah nula leh tlangval hlir inchhung khatin hlim tak leh phur tak maiin an zai a, an thiamin khawhar lusun chhungkaw tan chuan thlamuanna leh hahchawlhna a tling tak meuh meuh. Hmun hrang hranga ka tel ve tawhnaah Dawrpui nula leh tlangval tun dinhmunah chuan an duai lo mai nilovin a tluk an awm bik lo mai thei! Hman zan lawka hnam dang mikhual lo kal ve pawh khan “Mizo hi hnam zaithiam ber in ni ang” a ti thlawt.
Dawrpui vengah hian hruaitute \hahnem ngaihna vang pawh a ni ang, hmasawnna ropui tak hmuh tur a awm zel mai hi ava lawmawm tak em! Hma i sawn zel ang u.

0 comments »

Leave your response!

Han sawi ve teh le.