Home »

RUIHHLO-IN KAN VENG A RUN ZEL DAWN EM?

22 July, 2017 0 comments

‘Kan veng hi kan hriat tlan ṭheuh angin sumdawnna hmunpui mi chi tin chitang rawn fuan khawmna hmun a ni a. Hei vang hian a chhunga chengte pawh veng dangte ang lo in a veng mipui te pawh hi kawng hrang hrangah duhangin kan in pawh ṭha tawk lova, khawtlang leh Kohhran ang pawhin harsatna kan tawh châng pawh a awm ṭhin ang. Hei vang hian veng pawn lama awmte pawhin kan veng hi min zuamin kan veng inrelbawlna pawh zah lovin duh duh dan angin an rawn tal ṭhin a ni.’

Hei hi remchangah la in sualna rawn pungin chhun leh zanin mi awmtha duhlo ten nuam tawl nan an rawn hmang ṭhin a ni. Zan lamah zan reh pawh awm lovin mi awmṭha duhlo ten awm hmun an khuar a, Khawen lamah Ruihhlo zuar leh sualna chi hrang hrang hmuh tur an awm reng a, chanchinbu leh Cable TV-ah an puang chamchi reng bawk nen a veng neitu tan chuan ip zawr zawrna tham a
awm reng a ni, hei bakah heng sualna avang hian a veng mipuiten kan tuar in zan lamah kan hmeichhiate paw’n an chhuak ṭha ngam lova, khaw en lamah lah ruihhlo zuar ten nuam an tawl a, heng kaihhnawihah hian rukrute an che reng bawk nen kan veng chu a chhun a zanin a him lo tak zet a ni. 
Heng sualna lo pung zel avang hian kan venga tlawm ngai pawl Y.M.A. leh welfare ten hma an han la a, mahse sualna hian bu a khuar ngheh tawh em avang in tih rem mai chu thil harsa tak a ni ta, heng avang hian kan veng area then awm a awm ten heng kan harsatna te hi min hriatthiam puiin hma lak ho a ni ta a, Y.M.A Joint operation lo piang in heng ho hian Vanapa hall choka chu duty room ah hmangin zan lama mi awm tha duhlo zan vak thin kan area a mite chu hrut kualin zan rei tak tak te an mengin hma an la, heng avang hian kan venga zan lama thawm mak tak tak rapthlak tak takte chu hriattur a awm ta lovin kan hmeichhia leh nunau leh tar chak lo te an tei chhuak ngam ta, ava thlamuan thlak tak em!
Khawen lamah sualna avang hian harsatna kan la tawk reng, kan tu leh fate kan veng ah ngei hmun him a la awm lo, a bikin Aizawl khawpui bera kan Bazar neih chhun leh a chhehvelah chuan khaw eng pawh zah lovin ruihhlo zuar ten an ruihhlo ual au tak tak in an zuar ngam a, an la in chiu ngawng ngawng ngam a, a rui a te lah khawlai ah tumah zah lovin an mu mai ngam bawk nen helai bazar chhehvel a kan veng ṭhenawm ten kan harsatna hi min hriatthiam puiin Y.M.A joint duty a lo piang ta, heng te hian Dawrpui sikul chu duty room ah hmun khuar in chhun leh zanah hma an la ta, heng an hma lakna avang hian Bazar leh a chhehvel a ruihhlo zuar leh mi awmtha duh lo te hnawhbo in an awm ta, a va thawven thlak em!
Kan venga hmalakna avang hian kan veng chu a lo ralmuangin a lo nuam ta hle mai, kan veng a lo ralmuan a kan tu leh fate thlamuang taka an awm theihna atana a thim avar thlu lova pen chhuaka te hi Nopui dawm tlak an niin kan chhuang tak zet zet a ni. Kan veng area ah chauh hian veng tangruala sual dona hi a awm lova, Aizawl south ah te Aizawl North ah te leh hmun hrang hrangah sual dona hi Y.M.A ten a huho a do in hma an la ve mek bawk a ni. 
Tun hnaiah Central Y.M.A chuan Aizawl khawpui chhunga Joint operation hrang hrangte ko khawmin lo chawl lailawk turin leh Branch tin te mahni Branch mal theuh a duty zawk turin thuchhuah a siam ta a, Central Y.M.A in Joint operation hrang hrang a koh khawm chhan ah chuan kan veng telna Joint operation/Y.M.A joint duty te tel lohna Joint operation pakhat in Y.M.A hmel a lo tih balh deuh avangin Aizawl khawpui chhunga joint operation hrang hrang chu a thiat ta a ni, Central Y.M.A a koh khawm an nih tum pawh hian Kan venga Y.M.A joint operation/Y.M.A joint duty pahnih dingtte chu Central Y.M.Achuan a fak zawk hle a, mahse Joint operation pakhat thil tha lo tih avang in a dang zawng zawng pawh thiah ni mai se a ti a ni. Hetia Central Y.M.A in thuchhuah a lo siam takah chuan kan veng chu a tuar ber tur veng kan ni ta, kan hriat ang in kan veng chu sualna chitin chitang chhun leh zana lo lut reng a ni, veng thenawm te puihna vangin kan veng pawh a nawm tawh teh reng nen engtin nge heng sualna lo lut reng hi kan veng hian kan hmachhawn tak ang, veng mipuite tih tak zet zet a kan in san mar a kan tanrual a ngai ta a, kan hotu ten ruahmanna tha tak an la rawn siam ang a, heng te hi lo ngaichangin kan veng chhan tur leh kan tu leh fa te chenna tlak leh ralmuang taka kan awm theihnan hma la turin ke i pen ve ngam dawn em?? 

0 comments »

Leave your response!

Han sawi ve teh le.