Khawhar Lenpui

Vanhmingliana (Taua)

Mizo te hi khawhar in lenpui \hin kan ni a, kan thil chîn dan azawngah hian a \ha ber mai awm e, te ka ti rilru \hin. Hnam dang ti ve \hin an tlem a, kan hmuh phak mai ami Nepali (Mizorama cheng ni lo) te,  Khasi hote pawh chutiang ching tho chu an ni. Mahse, anni erawh chu inlengte tihhlim tum lûatah an insengso nasa a. Ei leh in tur an hlui reng mai a, rethei leh harsa deuh tân chuan phurrit a tling thei mai awm e. Keini Mizote chuan kan khawn te te a, lusûn chhungte kan vûr ta zawk a, chu chu a kristianin a lo dawngsawngtu tan chuan damna tham zel a tling. Sap leh Vai kan tihte tan hi chuan thihna hi vanduaina a ni vawng vawng deuh bik niin a lang, inlenpui ve vak ngai hek lo. Vai ho phei chuan a mitthi ber kha verandah-ah te an dah daih a, an dân a ni ve miau si a.

Thil \ha kan tih pawh hi thil \halovin a tichhe ve zel tho mai a. Naupang tak kan la ni a, inrin hman loh leh tum loh tak maiin zan khat thil thu-ah ka pa in min boralsan thut mai a, kan mangangin kan va chi aî tehlul em! Ka nu thihna a lo rei tawh bawk sin nen; khata \ang chiah khan khawhar in riakte hlutna ka hrechhuak ve ta tak takin ka inhria. Fiamthu thianghlim an thawh a, an insawisa vel te kha ka bengah hian a la cham reng mai. 

Nimahsela, eng emaw ti lai a\ang khan damdawi hmansualna avang te khan in riak te’na khawhar chhungte bungrua an rûksak thawm hriat tur te a lo awm ta a. Thlamuantute kha timangang tu, tiral\i tu an lo chang zo ta a. Vawiinah te phei chuan chhungkhat laina chauh te’n kan inriahpui ta mai chu anih hi!

A bik takin lumen ngai thihna, chhungkua ten an tawhin hnêmtu an va ngai lehzual em! Lungngaihna leh lungchhiatna tinrengin lusûn chhungte a buan khahna hun tura nula leh tlangval, menlai chhunga nu leh pa te tui tak mai a an han zai hi chu ; khawhar hnemtu a tling tak meuh mai. Zan a lo rei a, rual û deuh leh nu leh pa an \în a, Solfa zaia \halaite lungrual leh tui tak maia an han zaia zing khawvar thleng mai chhum lo chat lova an han zai te phei hi chu hnemtu tura Pathian ruat an ni chiang lehzualin ka hre \hin. Sum leh paia lei leh rawih theih an nilova, anmahni duh thu leh tlawmngaihna ngei maia inpe an ni a, a ropui dan hi sawiin a siak lo, a bik takin lusûn chhungkaw tan phei chuan thlamuantu an ni ngawih ngawih mai.

Tu taksa mah hian zan tlaivar hi hriselna danah pawh ngeih bik an awm lo va, tuar lo pawh an awm hek lo. Nimahsela, mite hrehawm tawrh tizangkhai tura inpek kha \ul an tiin thil \ha titu nih hlutzia an thinlunga a khah vang maia ti an ni zawk. Tlaivar puitu nula leh tlangval hi an inchhir ngai lova, an thinlungah mite \anpui avangin lawmnain an khat hlauh zawk \hin. “Khami zan ka tlaivar a\ang chiah khan ka \ha chhuak thei ta lo a ni” ti hi sawi tur an awm pawh kan la hre lemlo. 

Dawrpui Veng hi hetiang ni khuaah hian kan duai lo mai ni lovin, mi veng tam tak aiin kan \ha zawk. Amaherawhchu, an zai hah lutuk lo chhawk tura thusawi tawi, khawhar hnem thei tur lo sawi ve zeuh zeuh hi a \ha khawp mai; mahni kohhran thurin sawi zau nana hmang lovin.

Tin, nula tlangval te chhawk tura puitling zing taka inlan ve nghal hi chhawktu \ha tak nihna a ni a, nu leh pa te mawhphurhna ve liau liau thung a ni ang. A bak erawh chu chhungkhat lainate mawhphurhna pawh vui hun hma chhung chu a ni ve tawh tho ang chu.

Tumah inphût lova, mahni tih theih zâwn \heuha chet chhuah sang sang hi chuan engmahin  a dâwl bik lovang, a fel thluam mai ang tih leh a taka tih hi vengchhung mitinte mawh a ni a, \anrual hi chakna a ni si a. 

Hetiang ni khuaah hian a engahmah ka lo tel ve ngai lo anih erawh chuan mahni chungah pawh a thleng ve thei a ni tih hriain harhchhuah a \ha hle ang.