2017 Rising Day Thuchah

- Dr. S.R.Zonunthara

President, Dawrpui Br. YMA

Dawrpui YMA-a ka member pui zawng zawngte, Dawrpui Branch YMA din champhaphak vawi-29-na hmingin chibai ka buk che u-in duhsakna ka hlan a che u. 

Dawrpui Branch YMA chuan kum 29- na a lo hmang ta reng mai. He hun min hruai thlengtu Pathian hnenah lawmthu i sawi ang u. Dawrpui YMA tana \hahnemngai taka tha leh zung, sum leh pai lo seng \hintu kan hruaitu hmasate leh member rinawm lo ni tlat \hinte kan theihnghilh ngai lova, an mahni avanga vawiina Dawrpui YMA member nive thei chauh kan ni tih kan hre reng \hin. An zavaiin zahna leh chawimawina chibai kan buk thar leh a ni.

Khawtlang nu leh pa- Local Council, Tlawmngai Pawl hrang hrangte leh Dawrpui Vengchhunga Welfare pawl hrangte nena thawhhona \ha tak kan nei \hin hi lawmawm kan ti a, YMA hmalakna min \awiawma puih kan
ngaihna laia tlanchhe ngai hauhlo an ni hi a thlamuanthlak ngawt mai!

Member-te \hahnemngaihna leh \anrualna avangin Dawrpui YMA chu  YMA thuthlungah nghet takin a ding zel a. Mi chanhai leh \anpui ngaite \anpui kawngahte, sual leh ruihhlo do kawngahte, ram hmasawnna leh changkan zelna tura thawhchhuah kawngahte theihtawpin hma a la ve zel a. Tin, kan Zonun zemawi chawi nun thar zel chu ngaihpawimawh takah a nei mek bawk a ni. Khawtlangin chhiat \hat kan tawhin YMA member-ten kan mawhphurhna \ha taka kan hlenchhuak zel theite hi a va lawmawm em! 

Dawrpui Branch YMA-in kan dinchamphaphak vawi 29-na kan lo thlen hian khawtlang leh ram leh hnam tana kan thawhna kawngah nasa lehzuala inpekna tharnen \an la ila. YMA chu tlawmngai pawl anih angin tlawmngaihna leh mahni inphatna tellovin YMA hmalaknaah hian a tel theih loh. Hlawh awmlo leh phut let nei hauh lova khawtlang \hatna tura hna thawhna hmun a ni. Chuvangin, YMA thil tihna reng rengah mahni ngei kan thawhchhuah \hin a pawimawh hle mai, midangte hlahthlem chi a nilova, midangte tihtura kalsan chi a ni hek lo. Kan chhehvelah \anpui ngai an awm em, kan ram leh hnam tichhetu- alaka INDO kan puan ruihhlo leh a zuartute an awm em, hnamdang laka kan nulate timualpho \hintu an awm em, sum leh pai hmanga kan hnam min chimral tum tute an awm em, thatchhiatna leh inthlahdahna hmanga kan zonun zemawi ti daltu an awm em…?

YMA member-te hi englai pawha inring renga awma mit-len reng tur kan ni, chawlh lak theih a ni lo. Hemi hre reng chung hian, KAN BRANCH DIN CHAMPHAPHAK VAWI 29-na hi rilru thar pu a, phurna thar leh inpekna nasa zawk nen kan khawtlang, kan ram leh hnamtana inpek tharna ni-ah i hmang \heuh ang u. 

DAWRPUI YMA VUL ZEL RAWH SE.