YMA Gen.Conf Vawi 71-na a tiak ta

21 October, 2017 0 comments

Kum khat dana neih thin Y.M.A. General Conference vawi 71-na Champhai Zotlang-a neih chu October 19, 2017 zan khan a tiak ta. Kum 2019-a Conference thlengtu tur chu North Vanlaiphai a ni. Kumin khawmpuiah hian Dawrpui Branch aiawhin member 60 lai bus pahnih leh motor te 6-in an kal thei a. Zaipawl tha tak leh special Item beat group tha tak tih hlawhtlin a ni bawk. Tin, kan hruaitu zinga mi Pu Chhawnkima Pachuau chuan he Conference-ah hian hruaitu hlun chawimawina dawngin, a ni hian kum 11 chhung teh meuh Dawrpui Y.M.A. hi chhumlo chat lovin a lo hruai tawh a ni.
Khawmpui thurelte:
YMA khawih :
1. Mizo Lengkhawm khawhar hla kan neih te hi thangthar ten a thluk kan hriat reng theihna tur in Solfa a a thluk dan dah a nih theih nan Central YMA in hma la rawh se tih chu lungrual tak a Passed a ni.

2. Hlo tur leh Rannung thatna hlo kan hman dan hi fimkhur tak leh a nihna tur ang taka

hman a nih theih nan hmalak ni rawh se tih chu Passed ani.

3. Ruihhlo ngai te chhan chhuahna tur Rehabilitation Centre tha leh chang tlung tak neih a nih theih nan Central YMA in hma la rawh se tih chu Palai kal ten lungrual tak in pawm a ni.

4. Mizoram chhunga Central leh State Institution hrang hrang awm ah hian Mizo ten Seat tam zawk kan chan theih nan Central YMA in hma la rawh se tih chu Passed ani.

5. Mizoram hmun hrang hrang a in kal pawhna kan neih te hi tun aia tha leh changtlung zawka siam a nih theih nan Central YMA in hma la rawh se tih chu lungrual tak in Passed a ni.

Sorkar khawih :

1.Tun aia kan lo intodelh theih zawk nan thingtlang a\anga thlai thar te Aizawl khaw chhunga zawrhna tur Sorkarin ngaihtuah rawh se tih chu Passed ani

2. Mizoram leh Bangladseh ramri khauh tak a venhim a nih theih nan Sorkar ah ngen ni rawh se tih chu Passed ani.

3. Dan lo anga din Chakma Autonomous District Council (CADC) hi Dan anga thiah a nih theih nan Central YMA in hma la rawh se tih chu Rorel Palai ten lungrual tak in Pawm (Passed) ani.

KUM PUAN (Rawtna lutte) 1.Ram leh Hnam Humhalh 2.Zirna Uar 3. Ruihhlo do Rorel Palai ten Secret Ballot in thlan leh a ni a, Kum puan atan "Ram leh hnam humhalh" tih chu thlan leh a ni.

Hruaitu thlan tharte

President : Pu Vanlalruata, Tuikual South
Vice President : Pu R. Lalngheta, Hlimen
Gen. Secretary : Tv Lalhmachhuana, Chaltlang Lily Veng
Asst. Secretary : Pu Peter Chhakchhuak, Maubawk
Treasurer : Pu Lalrochuanga Pachuau, Zarkawt
Fin. Secretary : Pu Fabian Lalfakawma, Chawlhhmun

YMA Gen. Conf. -a lawmman hrang hrang dawng tute

(Group leh Branch a hrang zela thlan an ni)

I. KUMPUAN BAWHZUI ṬHA
Chalfilh Group YMA
Electric Veng Branch YMA, Aizawl

II.RAMNGAW & NUNGCHA HUMHALH ṬHA
Tuipuiral Group YMA
Biate Branch YMA

III. TUIHNA HUMHALH ṬHA
Tuipuiral Group YMA
Champhai Zotlang Branch YMA

IV. YMA CHANCHINBU ṬHA LAWMMAN
(Khawpui chhung)
ZONUNMAWI, Mission Vengthlang Br. YMA
(Khawpui pawn)
YMA AW, Khawzawl Vengthar Br. YMA

V. YMA CHANCHINBU LA TAM
(Aizawl Khawpui chhung)
Salem Veng Branch YMA Lak zat 427
(Aizawl Khawpui pawn)
Champhai Zotlang Branch YMA Lak zat 256

VI. YMA CHANCHINBU LA TAM
(Member zat atanga chhutin)
Dilkhan Branch YMA 58.4 %