Vanapa Section Nite 2017

Vanapa Section Nite cum 2017 Sports Champion lawmna chu ropui takin Zirtawp zan (27 Oct, 2017) khan Dawrpui School Hall-ah Vanapa Section huaihawtin lawm a ni a.

Pu K. Jacob Remruatfela, Leader chuan hneh taka kaihruaiin Branch President Dr. SR Zonunthara’n thu sawina hun a hmang bawk a ni. Dawrpui Branch KṬP aiawha Praise On member-ten hla ṭha takin an rawn nei thei a. Hunserh-ah hian kumin chhunga Section member boral tate sunna hun hman a ni.

Secretary report leh lawmthu sawinate ngaihthlak anih zawhin Local Council Chairman Pi Zosangzuali’n ṭawngṭainain Thawhkhatna hun hi a khar.

Thawhhnihnaah hian Tv. Ramherliana leh Nl. Christina Lalrinthari-ten hneh takin an rawn kaihruai a, zaithiam
kan sawmte leh Section tin Band-ten kan sawmna ngaipawimawh a hun an rawn hmang thei kha kan lawm em em a ni.

Section Nite inpuahchahna atan hian member inpekna a ropuiin a hlu hle a, a bik takin Decoration in-charge, Refreshment in-charge, Ushers, Security leh zaithiam buaipuitute an fakawm takzet a ni.

Vanapa Section Nite hi Dawrpui Veng chhung min suihkhawmtu leh kan thawhhona ti chaktu anih zel kan beisei a, vengchhung mi min \awiawmtute leh lawmpuitute zawng zawng chungah Vanapa Section hmingin lawmthu kan sawi tak zet a, Section Nite a hlawhtlin nana sum leh pai leh tha leh zung sengtute zawng zawng chungah lawmthu kan sawi bawk a, tin, he programme hlawhtlinnana min sponsor-tute zawng zawng chungah leh Pathian min hruaitu chungah lawmthu kan sawi bawk a ni.

- C. Lalrinpuia, Secretary, Vanapa Section