Pu Lalliana kan chan ta
26 September, 2009
4
comments
A chanchin : Pu Lalliana hi Kapbuaia (L) leh Kutzami (L) te karah lo piangin, unau mipa 3 leh unau hmeichhia 5 a neia, kum 1962-ah Aizawlah a lo luta, Pu Lalhmingthanga (L) leh Pi Lalliani (P&Sons) te rawn belin a thih thlengin a awm ta a ni.Inngaitlawm leh hniam taka khawsa n nghet takin Kohhran a bel a, a theih chhung chu Sunday School lawmman pawh a la ve thin a ni. Pathian thu-ah piantharnate pawh a chang tawh a. Kum 1976 khan Pi Lalliani fate Bangalore-ah kum khat chhung zet a zu awmpui a, Pi Lalliani chhungkaw member pangngai ang takin a khawsaa, thil tul apiang thawkin chumi hnuah dawr a enkawl a, neitu ber angin a khawsa a, a dawr enkawl chhung ringawt pawh hi kum 30 chhung lai a ni ve ta.
A nat dan : Kum 15 lai kalta atang khan zunthlum leh kal (Kidney) natna hian a lo tibuai tawh a, Shillong leh Guwahati-ah te pawh enkawl thin a ni, Aizawl Civil Hospital leh Hospital hrang hrangah enkawl niin Civil Hospital-ah enkawl leh a ni a, a dinhmun pawh tha chho viaua hriat niin, amaherawhchu 24 September (Ningani) zing dar 7:00 khan a chau thut a, Chatuan ram min pansan zui ta mai a ni.
P & Sons sawi chuan a hmel alo lang thin.....Pu Liana hi chu kan thenawm inleng senior ve tak ania, mimal tak pohin ka ui hle...RIP
thawhtanni apianga "engatinge nimin i inkhawmloh?" ti a Pu Kenneth-a zawttu tur a awm ta lo mai hi ka ui khawp mai, a kalsan a chhungte ka tawrhpui takzet a ni
Pu Lalliana hi ka hria...biak a nuamin a hawihawm hle.........a boral chu pawi ka ti hle mai.. a kalsan tak a chhungte Pathianin awmpuiin thlamuan zel rawh se.
Rest in peace