Home »

Pum Na/Pum Nuamlo

21 September, 2009 10 comments

- Dr Thangchungnunga, MS (Ortho)
Tunlai hian mi reng reng mai hi pum nuamlo ţeuh nei deuh vek mai kan ni ta mai hi chhut chiang ve deuh teh ang, nuam a ram a awmlo, taksa dam thlap pawh awmlo, natna chhan tur thil engmah ti bawk silo hi enge a chhan?

A chhanna hmasa ber chu, 'khawpui changkan hri' ti ila a dik ber ang. Kan changkanna hian natna min siam hnem ta lutuk a ni. Australia hnam mawlho (Aborigines) ho chuan ‘Mihringte hian Development hi an hrethiamlo a ni - Bawng vulh thau, ran talhna lam pana kal dum dum ang an ni’ an ti. Chuvang chuan ramhnuaia an Original anga awm khu an duh tlat a ni. A dikna chen chu a awm a. Kan changkanna hian natna chu min siam belh teh meuh mai.

Kan ei ţeuh a, kan ţhu nileng a, Dawrpui aţanga Treasury/Khatla kal tur pawhin Motor zel kan duh a, kan taksa ruhrel leh tihrawl hi a nih tur anga che vek tura duan a ni a. Mahse, kan changkan avangin Computer hmaah nilengin kan ţhu a, tihrawl ţhenkhat a che miahlo a, a ţhen an ţang ţeuh a, dar kham, kawng kham kan sawi reng a, kuhva leh eng ilo kan ei ve reng mai a. Hun awmze neilovin thil kan ei reng a, kut silfai kan uar lova, natna hrik kan eitel a, kuhva kan han ei ngat phei hi chu eng anga bal nge pawh hriatloh bang, ban, ţhutthleng engkim maiah kut kan han tat a, hei hian Santen benvawn hrang hrang - Giardiasis, Ameobiasis leh a dang tamtak kan eitel ţhin a.

Chu chuan pum nuamlo ţiuh ţeuh a siam a, ek a dik thei lova. Tui kan in tam peih si lova, Mit(Gall Bladder) a lungte, Kal (Kidney) a lungte awm nen a rei deuh va, thau a lo chhah a, Cholesterol a lo sang a, BP a lo sang a, Diabetes a lo hnai a, Heart Attack a lo lang leh ţan a, a chhia lam hlir kan khawlkhawm ta ţun mai a ni.

A invenna ber chu Excercise lak ţhat a, kut leh eitur silfai ţhat leh ei leh in chintawk leh awmze neia ei tum a in zir ve a ngai ta a ni. Sap an kan chak bawk a, Sap tihdan hi ching ve tak tak tawh ang u.

10 comments »

  • A_es said:  

    Hei chu, Ruata comment hma chu ngawi hrih teh ang :) Hawla min ti hre chhuak bawk :)

  • Craftsmen said:  

    nia A_es sawi ang hian....

  • Unknown said:  

    I sawi ang khian, thlan tichhuak peih apiang an hrisel mai - Excess 'Calorie' hi 'Burn' peih angai.

  • Chicco said:  

    Giardiasis, Ameobiasis te hi, khoi ram emaw tennis player hming an va ang ve...
    Invenna ah hian, kuhva ei teuh chunga nat chuang loh dan awm se ka va ti ve.

  • Bja Hauhnar said:  

    'Khawpui changkang hria; nilovin 'Khawpui changkan hri' tih a ni zawk lo maw ka u!?.

  • A_es said:  

    Bja 100%. Ruata khi siamtha rawh le...

    Kan changkan avangin Computer hmaah nilengin kan ţhu a, tihrawl ţhenkhat a che miahlo a'...hei hi chu thu nileng nilovin 'thu zankhua' te poh ti ta ila dikna chente poh a tam zawk ngei ang :)

  • htta said:  

    Pum na hi kei pawn ka nei ve thin... ka naupan lai hian pum na avangin mu hlei thei lovin ka awm a...mizo damdawi saphai mit ka ei a, a zia khawp mai.... mahse, pum na zawng zawngah chuan a ni kher lovang.... kan sawi ve mai mai a nih hi...

  • ice said:  

    Lalruata leh Hawla'n chhiar tak ang maw aw....

  • burgerstud2005 said:  

    Ka pum hi a na thei khop mai.Ka pum avangin ka hnung hi a na thrum zel bawk.ecer lak tam a ngai a ni

  • Lalruata said:  

    Sawi tur ber pawh ka hre mai lo e!

  • Leave your response!

    Han sawi ve teh le.