Home »

Tv. Lalthuamliana kan chan ta

21 September, 2009 6 comments

Lalthuamliana (Thu-a) hi Pu Vanlalmuana (L) leh Pi Lalrosiami (L) te fapa neih chhun niin 24.11.1968-ah a lo piang a. A nau, Vanlalrohlupuii, w/o B. Lalenghhina, Ramthar Veng, Aizawl bak unau pianpui dang a nei lo. A pa hian 1979 kum tawpah a boralsan a, a nu hian kum 1991 khan a boralsan ve leh a ni.

A nu-in a boralsan hnu hin a pu fanu Lalrinkimi (RK-i) - a naupan tet atanga Thuamliana nu hnena khawsa - leh a nau Zaikhuma te nen Dawrpui-ah kum engemaw zat an awm a. He mi hnu hian RK-i te unau an indan hnu-ah Thuamlianate unau hi Zarkawt Venga a nu u, Pi Rothuami (L) te hnenah an khawsa zui a. Rei vak lo hnuah Dawrpuia anmahni in lamah awm lehin a hun tawp thlengin hetah hian a cheng zui ta a ni.

Infiamna lam, a bik takin football lamah hian a tui hle thung a, veng aiawh pawhin vawi duai lo a khel ve a ni. A phak tawk tawkin khawtlang thiltih leh thlanlaih nikhuaahte tel ve thinin chhhiatni thatni-ah a theih ang angin a inhmang ve thin a ni. Thenrual kawm thiam tak ni mah suh se thian ngaina tak a nih avangin thenrual a khawm hnem thei hle thin a. Mi khawngaih thei tak a ni a, mi baihvai leh chhumchhe zawk ten an bel ve fo thin ani.

A hun hnuhnung :
Thuamliana hian a nun a uluk tawk loh avangin kum engemaw kalta atang khan a hriselna a tha vak lo a. A farnu, Rohlupuiite hnenah a nawmsam loh changin a awm thinin, damdawiin lamah pawh enkawl a ni thin a ni. Mi inthlahrung leh tlawmngai ve tak a nih avangin a theih loh tawpah lo chuan a unaute pawh a pan ngai meuh lo. A thin (liver) that loh avangin a chau hret hret zel a. Han that lailawk chang nei mahse a tha chhuak tak tak thei lova. Tun thla tir lam khan a chau deuha mahni inbuaipui hlei thei lova a awm avangin a naute in lamah hian a awm thla leh a. A chauh zual deuh avangin ni 12.9.2009 khan Aizawl Civil Hospital-ah dah luh a ni a. Doctor leh nurse ten theihtawp chhuaha an enkawl chung pawhin that lam a pan thei lo a. Ni 16.9.2009 chawhnu dar 2:00 khan LALPA hnena chawl hlen turin minlo hawsanta ani.

6 comments »

  • htta said:  

    Lalthuamliana (Thu-a)(RIP) a kalsan tak a chhung te, Pathianin awmpuiin thlamuan zel rawh se.

  • A_es said:  

    Naupan tet atanga kan hriat chian ania, a nun kawng a khongaihthlak hle.....muangin chawl mawlh rawh se...

  • ice said:  

    A nunkawng harsa tak avangin hrehawm ti ngawih ngawiha awm chang nei mahse, Hrehawm awm tawhlohna ramah a leng ta...a chhungte zawng zawng tan kan tawngtai e........

  • burgerstud2005 said:  

    mithi in nei thei riau mai

  • A_es said:  

    Nia, kumin hian thawn chhuah tellovin 35 vel kan nei ta reng mai! Hetiang em² hian kan la thi ngailo....
    Thlanmual thar kan neih vang anih hi ka ti fiamthu thin, kan thenawm Saron poh hian kan lei hnu lok khan Sihhmuiah an lei ve a, anni po'n 30 chuang mitthi an nei tawh, hetiang a tam kum 1-ah anla thi ngailo bok ani awm e.

  • Lo leng ve rawh said:  

    Mize inanglo talent inaglo tak2 ten Pathian hmel kan hmu dawna engang takin kn Pathian hian ro minrelsak thin angmaw k t thin. Kan ngaihruat ang hicu ani hauhloang mole!

  • Leave your response!

    Han sawi ve teh le.